Israelek Kamal Adwan ospitalearen aurka egindako operazioak 20 hildako eta 240 atxilotu utzi ditu
Israelgo Indar Armatuek igande honetan jakitera eman dutenez, Gazako Zerrendaren iparraldean Kamal Adwan Ospitalearen kontra egindako operazioan "20 terrorista hil eta beste 240 atxilotu" dituzte. Israelek Hamas Erresistentzia Islamikoaren Mugimenduaren kuartel nagusitzat jotzen zuen ospitalea, eta operazio horretan erabat hustu eta zati bat erre dute.
Kamal Adwan ospitalea Jabaliako errefuxiatu-eremuaren bihotzean dago.
Israelgo Armadak ohar batean azaldu duenez, Hamaseko eta Jihad Islamiarreko 240 kide baino gehiago atxilotu eta Israelera eraman dituzte "gerrarako inteligentzia informazio baliotsua ateratzeko".
"Gerra hasi zenetik puntu bakar batean egindako talde-atxiloketa handienetako bat da honakoa. Ospitalea hartzean, hainbat terrorista gaixo papera egiten saiatu ziren, baita anbulantzietan ezkutatzen ere, baina agenteek identifikatu eta atxilotu egin zituzten", esan du Armadak.
Atxilotuen artean, ospitaleko zuzendaria dago, Hosam Abu Safiya doktorea. "Hamaseko kide den susmoa dago", Israelen arabera.
Hamasek, berriz, ukatu egin du ospitale horretan kiderik edukitzea
Munduko Osasun Erakundeak (MOE) salatu duenez, Kamal Adwan ospitaleari egindako erasoan ezin izan dute ezer ere egin, eta erasoak "erabat zapuztu du zentroaren gutxieneko funtzionamenduari eusteko ahalegina". Gertatutakoa "Gazako osasun-sistemaren desegite sistematikoaren parte" dela eta "dozenaka mila palestinarrentzat heriotza-epaia" dela esan du MOEk.
Gainera, zentroa erabat jarduerarik gabe geratu dela baieztatu du, eta, ondorioz, Gazako Zerrendaren iparraldean bere ospitalerik garrantzitsuena kenduta, inguru horretan bizi diren 75.000 palestinarrak osasun arretarik gabe geratu direla salatu du.
Israelek Gaza iparraldeko auzoak husteko agindua eman du
Bestalde, Israelgo Armadak Gaza iparraldeko hainbat eremutan bizi diren pertsonei Gaza hirirantz joateko agindua eman diete gaur, bertatik Israelera bost suziri jaurti eta gero. Armadaren esanetan, bi geldiarazi egin dituzte eta hiru ezer ez zegoen lekuetan erori dira.
Sare sozialetan zabaldutako mezu batean, Avichay Adraee arabieraz hitz egiten duen Israelgo Armadako bozeramaileak Jabalia hiriaren inguruan bizi direnei Gaza hirira joateko esan die, "segurtasunagatik", Israelgo indarrek eraso egin aurretik.
Gazako ipar-mendebaldean, gainera, gutxienez bederatzi pertsona hil eta hogeitik gora zauritu dira, Israelgo tankeek Nuseirateko errefuxiatu-eremuko etxebizitzak bonbardatu ostean.
Hilabete eta erdiko haurtxo bat hil da hotzak jota Gazan, senideek salatu dutenez
Bestalde, hilabete eta erdiko haurtxo bat hil da Gazako Zerrendan muturreko hotzaren ondorioz, senideek EFE albiste-agentziari baieztatu diotenez.
"Goizeko hiruretan esnatu nintzen, eta nire emazteari esan nion haurra ez zegoela ondo. Esnatzen saiatzen ari zela esaten zidan, baina ezin zuen. Ohera eraman nuenean, erabat izoztuta zegoela ikusi nuen, izotzez estalita balego bezala", kontatu du umetxoaren aitak, Yihya Muhammad al Batranek.
Al Batranek azaldu zuenez, elektrizitate falta zela eta, ezin izan zuen laguntza humanitario gisa jaso zuten berogailua kargatu.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".