Israelek Mossadeko burua bidali du Dohara Gazan su-etena negoziatzera
Benjamin Netanyahu Israelgo lehen ministroak David Barnea Mossadeko burua bidali du Dohara, Gazako Zerrendan su-etena negoziatzeko Hamasekin abiatu zituzten zeharkako elkarrizketetan parte hartzera.
Mossadeko buruarekin batera, Ron Bar Shin Bet inteligentzia agentziaren burua, Nitzan Alon bahituen senideekin harremanak gidatzen dituen militarra eta Ogir Falk Netanyahuren aholkulari politiko nagusia ere egongo dira Qatarren.
Akordioa edozein unetan irits litekeela zabaldu den honetan jakinarazi dute ordezkaritza hori bidali dutela. Hamaseko iturriek hedabide arabiar batzuetan baieztatu dute elkarrizketak "berez amaituta" daudela, eta bitartekariek Netanyahuren oniritzia jasotzea bakarrik falta dela.
Netanyahu Steve Witkoff Donald Trump AEBko presidente hautatuaren Ekialde Hurbileko bidali bereziarekin elkartu zen, eta horrek helarazi zion Trumpek urtarrilaren 20an kargua hartu aurretik amaitu nahi dituela AEBren parte-hartzea duten gerra guztiak, tartean Gazakoa, eta Hamasi esan zion Zerrenda "lurreko infernu" bihurtuko duela ordurako bahitu guztiak askatzen ez baditu.
Bahitutako 40 pertsonaren gorpuak erreskatatu dituzte orain arte Israelgo tropek, eta Zerrendan bahituta jarraitzen duten 96 lagunetako 34 hilda daude. Hamasek 2023ko urriaren 7an bahitutako 251 israeldarretako 117 askatu dituzte bizirik, baina soilik 8 Israelgo Armadaren operazioetan.
Israelek 45.000 pertsona baino gehiago hil ditu Gazako Zerrendan ordutik, eta orain arte soilik astebeteko su-etena adostu dute, 2023ko azaroan, truke bat egiteko: 105 bahitu 240 preso palestinarren truke. Negoziatzen ari diren su-etenaren lehenengo fasean 34 bahitu askatuko lituzkete, preso palestinar batzuen truke.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.