Trumpek pertsona transak Armadatik bota ditu, eta hura ikertu zuten funtzionarioak, Justizia Departamentutik
Agindu exekutibo bat bestearen ondoren ematen. Hala dabil Donald Trump AEBko presidente izendatu zutenetik. Azken orduetan sinatutakoetan, Armada berregituratzea agindu du, bi neurri polemiko hartuta: pertsona transexualak kaleratu ditu, eta pandemian covid-19an txertoa ez hartzeagatik kaleratutakoak, berriz onartu. Gainera, The Washington Post egunkariak zabaldu duenez, hura ikertu zuten funtzionarioak botatzeko agindua eman dio Justizia Departamentuari.
Lehen erabakiari buruz, Trumpen ustez, "arlo militarrean bikaintasuna bilatzea eta agenda politiko edo ideologia jakin batzuei men egitea ez datoz bat. Indar Armatuetan genero ideologia erradikal bat zabaldu da, ekintzaile jakin batzuen presioak apaltzeko".
Presidente errepublikanoak azpimarratu duenez, "sexuarekin bat ez datorren genero identitate bat hartzea ez da bateragarria soldadu batek izan behar duen bizimodu ohoragarri, benetako eta disziplinatuarekin".
Ildo beretik, Armadako aniztasun, berdintasun eta inklusio programa (DEI, ingelesez) kendu du, eta argudiatu halako neurriek meritokrazia urratzen dutela. "Indar Armatuen ezein kide ezin da lehenetsi edo baztertu sexu, arraza, etnia, kolore edo erlijioagatik", nabarmendu du.
Ifrentzuan, covid-19aren txertoa jartzeari uko egin zioten eta kaleratu zituzten militarrak berriz onartzea agindu du, "erreparazioa" merezi dutela sinistuta. Izan ere, Trumpen aburuz, "bidezkoa ez zen baldintza bat jarri zieten, beharrezkoa ez zena".
Azkenik, betiere defentsaren alorrean, Israelek duen defentsa sistemaren (Burdinazko Kupula) antzekoa eraikitzea agindu du.
Arlo judizialean, eta The Washington Post egunkariak aurreratu duenez, Etxe Zuritik klasifikatutako dokumentuak eramateagatik eta 2020ko hauteskundeetan egindako esku sartzeengatik Trump ikertu zuten funtzionario taldea kaleratzea agindu dio Justizia Departamentuari.
Jack Smith fiskala izan zen bi ikerketon buru, eta hark 40 bat abokaturen taldea osatu zuen. Bi kasuetan auzipetu zuten buruzagia, baina presidente izendatuta, ezerezean geratu ziren bi auziak. Egunkariak ez du zehaztu zenbat funtzionario kaleratu dituzten, baina zehaztu du ikerketan aparteko garrantzia izan zutela.
Egun berean jakin da, CNN telebista kateak kontsultatu dituen iturrien arabera, Justizia Departamentuak ikerketa abiatu duela Kapitolioan sartu zirenen kontrako auzia aztertu zuten fiskalen kontra.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.