Hiru bahitu askatu ditu Hamasek, 183 preso libre utzi ditu Israelek eta gaixoak Rafahra eramaten hasi dira
484 egunez Gazako Zerrendan bahituta egon ostean, Hamasek Gurutze Gorriaren esku utzi ditu Ofer Calderon, Yarden Bibas eta Keith Siegel bahituak. Lehenengo biak Khan Junisen utzi dituzte libre, eta Israelen daude jada; hirugarrena, berriz, geroago askatu dute, Gaza hirian.
Bahitu eta preso palestinarren arteko laugarren trukea izan da, Hamasek eta Israelek Gazan su-etena ezartzeko adostutako akordioaren baitan.
Bahituak, emakumezko soldaduek egin zuten moduan, eszenatoki batera igo dira, diploma bat jaso dute, eta agur esan dute jendetzaren aurrean, Gurutze Gorriaren esku geratu aurretik.
Bibas israeldarra, 35 urtekoa, Shiri emaztearekin eta Ariel eta Kfir semeekin bahitu zuten. 2023ko azaroan, Hamasek jakinarazi zuen Shiri eta semeak hil egin zirela Israelgo Armadaren eraso batean, eta Armadak baieztatu ez badu ere, litekeena da hala izatea, ez baitaude askatuen artean.
Ofer Calderon, 54 urtekoa, Nir Oz kibbutzean bahitu zuten Shar eta Erez semeekin batera. 2023ko azaroan, Israelek eta Hamasek adostutako lehenengo su-etenean askatu zituzten semeak.
Keith Siegel da gaur libre utzi duten hirugarren eta azken bahitua. Ipar Karolinan jaio zen, duela 65 urte, eta 21 urterekin joan zen Israelera bizitzera. Aviva emaztea ere bahitu zuten, baina aske utzi zuten 2023ko azaroko su-etenean.
Askatu berritan, Tel Aviveko ospitalean artatu dituzte hirurak, eta bertan elkartu dira senideekin.
183 presoren truke
Bahituen truke espetxetik atera dituzten preso palestinarren kopurua 183ra igo dute, 2023ko urriaren 7ko erasoaren ostean atxilotutako 111 palestinar tartean.
Hasiera batean, 90 preso askatu behar zituzten, su-etenerako adostutako akordioaren arabera 30 atxilotu askatu behar dituztelako bahitu zibil bakoitzeko eta 50 soldadu bakoitzeko.
50 haur eta gazte Egiptora eramango dituzte
Zauriturik edo gaixorik dauden 50 haur eta gazte gazatar Egiptora eraman dituzte Rafahko mugatik, osasun-arreta jasotzeko, Munduko Osasun Erakundeak jakinarazi duenez. Maiatzaren 7an Israelek Rafahko muga hartu zuenetik lehenengo aldiz ireki dute pasabidea horretarako.
Mosab Abu Jalala 12 urteko umezurtza dago zaurituen artean. Israelgo Armadaren eraso batean zauritu zuten buruan, eta horren bi arrebek anputazioak izan zituzten. Gurasoak, berriz, hil egin zizkieten.
Munduko Osasun Erakundearen arabera, 12.000 gazatarrek jaso beharko lukete osasun-arreta Egipton; gerran zaurituak dira gehienak, baina gaixo onkologikoak ere daude horien artean.
Horretarako, Rafahko pasabidean 30 bat anbulantzia izan dira horien zain, ospitaleetara eramateko prest.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.