Gutxienez hamar pertsona hil dituzte Suediako Örebro hiriko ikastetxe batean izandako tiroketan
Hamar bat pertsona hil dituzte gaur Suediako Örebro hiriko ikastetxe batean izandako tiroketan, Poliziak baieztatu duenez.
Roberto Eid Forest Örebroko poliziaburuak prentsaurrekoan adierazi duenez, ustezko egilea hildakoen artean dago, eta ez du zaurituen kopurua zehaztu.
Poliziak ez zuen erasotzailearen berri. Ustez, bakarrik jardun du, eta ez dago talde kriminalekin lotuta; gainera, baztertu egin dute erakunde terroristekin loturarik izatea.
Agintariek ikastetxera ez hurbiltzeko gomendatu diete herritarrei, eta inguruko beste instalazio batzuk blokeatu dituzte, badaezpadako neurri gisa. Segurtasun indarrek eremua miatu dute, konplize posibleen bila.
"Erasotzailea daukagula uste dugu, baina ez dugu baztertzen pertsona gehiagok zerikusia izatea", esan du Forestek.
Risbergska skolan helduentzako hezkuntza zentro bat da eta, Lena Warenmark irakasleetako batek SVT telebista publikoari azaldu dionez, tiroketaren orduan ohikoa baino ikasle gutxiago zeuden ikastetxean, asko azterketak amaitu ondoren etxera itzuli direlako.
Ulf Kristersson Suediako lehen ministroak "eraso izugarria" deitoratu du, "Suedia osoarentzat oso mingarria den egun batean". Kristerssonek elkartasuna adierazi die euren ohiko eskola eguna "amesgaizto" bihurtzen ikusi duten guztiei.
"Gaur indarkeria hilgarria ikusi dugu erabat errugabeak diren pertsonen aurka. Hau Suediako historiako tiroketarik larriena da", esan du Kristerssonek prentsaurrekoan ordu batzuk geroago.
Kristerssonek adierazi du gertatutakoa "onartzea zaila" dela, eta "atsekabea" agertu du, "gertatu behar ez zena gertatu delako".
"Oraindik erantzun asko falta zaizkigu. Nik ere ezin ditut eman", adierazi du Kristerssonek. Horregatik, erasotzailearen arrazoiei buruzko espekulaziorik ez egiteko gonbitea egin du, eta elkartasuna adierazi die biktimei eta senideei, haien mina partekatzen dutela ziurtatuz.
Magdalena Andersson oposizioko buruak "atsekabe eguna" dela azpimarratu du.
"Gaur arratsaldean doluminak bidaltzen dizkiegu hildakoen familiei. Gure pentsamenduak zaurituekin eta haien familiekin daude", adierazi du Carl Gustaf erregeak ohar batean.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.