Israelek Gazan laguntza sartzeko atea itxi du, ramadanean su-etena luzatzea onartu badu ere
Hamasek eta Israelek adostutako su-etenaren lehenengo fasea amaitu den egunean bertan, Israelgo agintariek ateak itxi dizkiote igande honetan Gazan sartu nahi zen laguntza humanitarioari, Benjamin Netanyahu lehen ministroaren bulegoak iragarri duenez.
Hala eta guztiz ere, onartu egin du "behin-behinean" su-etena luzatzea Ramadana eta Pazkoa ospatzen duten bitartean.
"Israelek onartu egin du Steve Witkoff AEBren ordezkariak Ramadanean eta Pazkoan behin-behineko su-etena egiteko eskaera", esan du lehen ministroaren bulegoaren oharrak.
Hamasen iritzian, Netanyahuk su-etenaren lehen fasea bigarren fasera igaro gabe luzatzea "akordioa saihesteko eta bigarrenerako negoziazioetan sartzea saihesteko ahalegin nabarmena da", eta, aldi berean, Gazarako laguntza humanitarioa eteteko erabakia "xantaia merkea" da.
Igande honetan bere kanaletan zabaldutako ohar batean Hamasek adierazi du Netanyahuk hartutako erabakia "gerra krimena" dela eta su-eten akordioa urratzen duela.
Ildo beretik mintzatu da igande honetan Bader Abdelati Egiptoko Atzerri ministroa ere; izan ere, Israeli gogorarazi dio Israelek eta Hamasek Gazarako hitzartutako su-eten akordioak laguntza humanitarioa inolako oztoporik gabe sartzea jasotzen duela.
Egiptok beste proposamen bat aurkeztu du
AEBrekin eta Qatarrekin batera bitartekari lanak egiten ari den Egiptok Gazako su-eten akordioaren lehen fasea bi astez luzatzeko proposamena aurkeztu du.
Agentzien arabera, "Kairok Israelen eta Hamasen arteko su-etenerako 'adiskidetze' proposamena aurkeztu du. Horren arabera, akordioaren lehen fasea bi astez soilik luzatuko litzateke", ziurtatu du elkarrizketen gertuko iturri batek.
Hala, luzapena ez litzateke Steve Witkoff Donald Trump AEBko presidentearen mandatariak proposatutakoa izango. Izan ere, hark su-etenaren lehen fasea Ramadana eta Pazkoa pasa arte luzatzeko eskatu du.
Era berean, Israelgo ordezkaritza bat Kairora "datozen orduetan" iritsiko dela aurreikusi dute, "proposamena aztertzeko", baina ez dute xehetasun gehiagorik eman.
Su-etenaren hurrengo faseari buruzko elkarrizketak geldirik daude, larunbat honetako gauerdian lehenengo fasea amaitu denean Israelek eta Hamasek ez baitute akordiorik lortu jatorrizko akordioaren bigarren fasea ezartzeko. Bigarren fase horrek Israelgo gainerako bahituak askatzea eta su-eten iraunkor baterako konpromisoa hartzea luke helburu.
Gazako Zerrendako su-etenaren lehen fasea urtarrilaren 19an sartu zen indarrean, 15 hilabetetik gorako gerraren ondoren, eta igande honetan ekin behar zioten bigarrenari, baina bigarren fasea martxan jartzeko elkarrizketarik ez da egin oraindik.
Albiste gehiago mundua
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.