Trumpek huthien aurkako eraso "erabakigarria" iragarri du eta Irani babesa eteteko eskatu dio
Donald Trump AEBko presidenteak Yemengo huthien aurkako eraso "erabakigarria eta irmoa" iragarri du larunbat honetan, haiek nabigazioaren aurka egindako erasoei erantzunez, eta Irani ohartarazi dio berehala eten behar duela talde horri ematen dion babesa.
Trumpek adierazi duenez, maniobra militarra agindu die AEBko Indar Armatuei, huthiek "pirateria, indarkeria eta terrorismo kanpaina gupidagabea" egin dutelako "ontzi, aireontzi eta drone estatubatuarren eta beste herrialde batzuetakoen aurka".
"Gure borrokalari ausartak terroristen baseen, liderren eta misilen kontrako defentsen aurka ari dira, AEBko itsasoko eta aireko aktiboak babesteko eta nabigazio-askatasuna berrezartzeko", esan du Truth Social sare sozialean.
Gutxienez 31 zibil hil eta 101 zauritu ditu AEBk larunbat honetan matxino xiita huthien aurka egindako erasoetan, Sanan, Yemengo hiriburuan.
Huthien Osasun Ministerioak balantze hori baieztatu dio SABA matxinatuen gertuko agentziari, eta biktima guztiak zibilak direla salatu du.
"Ministerioak zibilen eta azpiegitura zibilen aurkako erasoak gaitzesten ditu, eta nazioarteko zuzenbidea nabarmen urratzen duten gerrako krimentzat jotzen ditu", Ministerioaren komunikatuaren arabera.
Trumpek bere mezuan idatzi duenez, "indar terrorista bakar batek ere ez du eragotziko AEBren merkataritza eta itsas ontziek munduko bide nabigagarrietan askatasunez nabigatzea". "Terrorista huthi guztiei: ZUEN DENBORA AGORTU DA. ZUEN ERASOEK GAUR BERTAN BUKATU BEHAR DUTE! BESTELA, INFERNUA GAINERA ETORRIKO ZAIZUE, INOIZ EZ BEZALA!".
Presidenteak azpimarratu du AEBk "indar hilgarri ikaragarria" erabiliko duela bere helburua lortu arte.
"Huthiek itsas garraioa blokeatu dute munduko ibaibide garrantzitsuenetako batean, merkataritza globalaren zerrenda zabalak geldiaraziz eta nazioarteko merkataritzaren oinarri den nabigazio-askatasunaren oinarrizko printzipioari eraso eginez", gaineratu du.
Buruzagi errepublikanoaren ustez, Joe Biden (2021-2025) demokratak huthien ekintzei emaniko erantzuna "patetikoki ahula" izan zen, eta "milaka milioi dolar kostatu eta bizitza errugabeak arriskuan jarri dituen egoerarekin jarraitzea ahalbidetu zuen".
Irani zorrotz zuzendu zaio: "Terrorista huthien laguntza BEREHALA eten behar da! EZ mehatxatu AEBko herria, ez presidentea (...), ezta munduko itsasbideak ere. Hori egiten baduzu, KONTUZ, AEBri kontu eman beharko baitiozue, eta orduan ez gara adeitsuak izango".
Iranek babestutako matxinoen mugimenduak ehunka eraso egin ditu Israelen aurka, baita Itsaso Gorriko eta Arabiako nabigazio komertzialaren aurka ere, 2023ko urriaren 7an Gazako Zerrendan gerra piztu zenetik, Israelek palestinarren kontra egindako sarraskiari erantzuteko.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.