Ukrainarako laguntza militarra zehazteko goi-bilera egingo dute 31 herrialdetako ordezkariek Parisen
Ukrainari eman beharreko laguntza militarra eta balizko su-etenerako bermeak finkatzea. Misio horrekin bilduko dira Ukrainarako "boluntarioen koalizioa" delakoaren ordezkariak gaur Parisen. Orotara, 31 herrialdetako arduradun elkartuko dira Eliseoan. Tartean, Europako 27 estatuburu; Europar Batasuneko eta NATOko kideak; eta, baita ere, Erresuma Batuko, Kanadako eta Turkiako gobernuetako buruak ere.
Emmanuel Macron Frantziako Gobernuko presidenteak deitu duen goi-bilera 10:00etan hasiko da, eta aurreikuspenen arabera, gutxienez lau ordu iraungo du. Amaieran, agerraldia egingo du Macronek berak hedabideen aurrean, batzarrari buruzko azalpenak emateko.
Lau helburu
Atzo iluntzean, Volodimir Zelenski Ukrainako presidenteak eta Frantziako gobernuburuak elkarrekin emandako prentsaurrekoan azaldu zituzten goi-bileraren helburu nagusiak.
Ukrainari "epe laburrean eman beharreko laguntza militarra" adostea da lehen helburua, Errusiaren erasoen aurrean herrialdeak "defentsarako baliabideak" izan ditzan. Bere aldetik, 2.000 milioi euroko laguntza-sorta iragarri zuen Macronek.
Horrez gain, balizko su-eten "sendo eta iraunkor" baterako oinarriak ere ezarri nahi dira gaurko hitzorduan, eta, aldi berean, "epe-luzera" begira ere jarri nahi dute, Errusiak etorkizunean egin ditzakeen "mehatxuei" aurre egiteko bitartekoak finkatzeko.
Mahai gainean izango duten laugarren helburua Ukrainara "nazioarteko indar militarra" bidaltzea da. Horri buruz, Frantziako presidenteak zehaztu zuen ez litzatekeela "frontearen lehen lerroan" egongo, baizik eta "bigarren maila batean", bitartekari, errusiarrekin negoziatzen.
"Erronka nagusia da Ukrainak egoera kontrolpean izatea eta Errusiaren erasoen aurrean bere burua defendatzeko ahalmena izatea, baina bake-akordio baterako bermeak ere eraiki nahi ditugu", laburbildu zuen Macronek.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.