Bardella izan daiteke Frantziako eskuin muturraren presidentegaia, Le Pen inhabilitatu baitute
Marine Le Pen Frantziako eskuin muturreko buruzagiaren etorkizun politikoa kinka larrian dago, diru publikoa bidegabe erabiltzeagatik ezarri dioten bost urteko inhabilitazioa dela eta. Izan ere, gaur-gaurkoz, ezingo da hautagai izan 2027ko presidente hauteskundeetan.
Bilgune Nazionalaren buruzagiari lau urteko espetxealdia (horietako bi bakarrik bete beharko ditu; nahi izatera, pultsera elektronikoarekin), 100.000 euroko isuna eta kargu publikoan aritzeko bost urteko berehalako inhabilitazioa ezarri dizkiote Europako Parlamentuaren dirua (2,9 milioi euro) alderdia finantzatzeko erabiltzeagatik.
Hala ere, Le Penek ez du amore eman nahi eta epaiaren aurkako helegitea aurkeztuko duela iragarri du, hauteskunde presidentzialetara aurkeztu ahal izateko. Hala ere, jakin badaki helegitea ebatzi arte 18 hilabete eta bi urte bitartean igaro daitezkeela. Bidea zaila dela jakin arren, aukera-zirrikitu bat badagoela azpimarratu du TF1 telebista katean bart egin dioten elkarrizketan. Testuinguru horretan, azkar mugitzeko eta 2027ko hauteskunde kanpaina baino lehen erabakia hartzeko eskatu dio Justiziari.
Frantziako zenbait legelariren arabera, apelazio-helegiteak inhabilitazioa eten egingo luke eta aukera emango lioke auzia 2027tik aurrera luzatzeko. Gero, Frantziako presidente aukeratuko balute, immunitatea eskuratuko luke, eta bere aurkako prozesu judiziala bertan behera geratuko litzateke.
Beste legelari batzuen ustez, ordea, helegiteak helegite, inhabilitazio zigorra bere horretan geldituko da. Horrek bidea libre utziko lioke Jordan Bardella Bilgune Nazionalaren presidentegai gisa hauteskundeetara aurkezteko.
Jordan Bardella Bilgune Nazionaleko presidentea 2027ko hauteskundeetan presidentegai izateko aukeraz galdetuta, momentuz hautagai izateko itxaropenari eusten dio Le Penek, eta aukera hori baztertu du.
Zure interesekoa izan daiteke
Azken hamarkadetako gatazka krudel eta bortitzenetakoa bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon da sarritan. Hildakoen kopuru zehatza jakiterik ere ez dago: 150.000 izan daitezkeela aipatzen da, nahiz eta askoz gehiago direla uste izan. Gosetea zabalduta dago eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatu asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.
Trumpek ez du su-etena luzatzeko asmorik, ABC katearen arabera
Donald Trump AEBko presidenteak Giorgia Meloni Italiako lehen ministroaren aurka egin du astearte honetan, Leon XIV.a aita santuaren defentsan duela gutxi esandakoagatik eta Irango gerran parte hartzeari uko egiteagatik.
Estatu Batuen eta Iranen arteko elkarrizketak bi egun barru berrekin litezkeela iradoki du Trumpek
Joan den asteburuan Islamabaden (Pakistan) negoziazioen lehen erronda akordiorik gabe itxi ostean, Etxe Zuriko maizterrak iragarri du "zerbait" gerta litekeela datozen bi egunotan.
Txina, hazkunde etengabean: Munduko fabrika izatetik, lider teknologikoetako bat izatera
Txina Irango eta Persiako golkoko beste herrialde batzuetako petrolio eta gas inportatzaile handia da. Hala ere, herrialdearen erreserbak maximo historikoetan daude, eta auto elektrikoen eta energia berriztagarrien aldeko apustuari esker, gerrak ez dio askorik eragin, momentuz. Horrela, Iran bazkide estrategikoa duen arren, Txina erantzun diplomatikoaren alde dago, epe luzerako estrategia baitarabil.
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Hungariako Asanblea Nazionalaren osaera, hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.