Israelek 27 pertsona hil ditu, horietako 18 haurrak, eskola baten aurka egindako bonbardaketan, Gazan
Gutxienez 27 pertsona, tartean 18 ume, hil eta 70 inguru zauritu ditu Israelek gaur Gaza Hiriko eskola baten aurka egindako bonbardaketa batean, Palestinako Osasun Ministerioak jakitera eman duenez.
"Gaur (Israelek) Dar Al-Arqam eskolari eraso egin dio Gaza hirian, botere suntsitzaile handiko hainbat misilekin, nahiz eta eskolak milaka zibil desplazatu hartu, eta euren etxeak utzi behar izan dituzten, abian zen bonbardaketa bortitzaren ondorioz", salatu du Gazako Gobernuak ohar batean.
Gainera, Gazako Gobernuak salatu du larrialdi zerbitzuak zailtasunak izaten ari direla zaurituak eta biktima batzuk dauden tokietara iristeko, gero hirian funtzionatzen duten ospitale bakanetara eraman ahal izateko.
"Osasun sistema ia erabat kolapsatzen ari da, ospitaleak suntsitu dituztelako eta indarrean dagoen blokeoaren eraginez, eta horrek oso zail egiten du zaurituei arreta medikoa eskaintzea", adierazi du erakundeak.
Bestalde, Israelgo Armadak bonbardaketa hori justifikatu du, beti egiten duen bezala, bere helburuak "Gaza Hiriko aginte eta kontrol gune batean zeuden terroristak" zirela esanez, eskola behin ere aipatu gabe.
Orain arte, 229 desplazatu zentrori eraso die Israelek
Palestinako Gobernuak gogorarazi duenez, Israelek, 2023ko urriaren 7tik, gutxienez 229 desplazatu zentrori eraso die, "nazioarteko konbentzio guztiak urratuz".
Gainera, Estatu sionistak gazatarren milaka etxe suntsitu ditu, eta errefuxiatu horietako asko kanpin-dendetan edo eskolatan erasoetatik babestera behartu ditu.
Azken egunean, Israelek 100 bat pertsona hil ditu, Gazako Osasun Ministerioak jakitera eman duenez.
Albiste gehiago mundua
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.