Txinak "amaierara arte" borrokatuko du, eta Bruselak eskatu dio ez dezala gerra komertziala gordinarazi
Txinako agintariek xantaia egitea leporatu diote Donald Trump Ameriketako Estatu Batuetako (AEB) presidenteari, Beijingen aurkako % 50eko muga-zerga gehigarria iragarri osteko lehen erreakzioan. Trumpek Asiako erraldoiari mehatxu egina zion % 50eko muga-zerga gehigarria ezartzearekin (% 104ko muga-zerga, guztira), Txinak ez baitu AEBtik inportatutako produktu guztien gaineko % 34ko muga-zerga erretiratu.
Berez, AEBk % 34ko tasa ezarri behar zion Txinari gaurtik aurrera, eta horri dagoeneko aplikatzen zen % 20ko zerga batu behar zitzaion. Baina, esan bezala, azkenean Txinako produktuei jarritako zerga % 104koa da.
Txinako Merkataritza Ministerioaren arabera, Asiako erraldoiak AEBtik inportatzen diren salgai guztien gainean ezarritako % 34ko muga-zerga "erabat legitimoa" da, eta helburua bere subiranotasuna, segurtasuna eta garapen interesak babestea eta nazioarteko merkataritza-ordenari eustea dira.
"Ameriketako Estatu Batuek bide horri jarraitzen badiote, Txinak amaierara arte borrokatuko du", ohartarazi zuen atzo Txinako Merkataritza Ministerioak.
Txinaren arabera, gerra komertzialetan ez da irabazlerik egoten, denak dira galtzaile, eta gaineratu zuen "presioa eta mehatxuak" egitea ez dela Asiako herrialdearekin harremantzeko modurik onena.
Hori dela eta, iragarritako aldebakarreko muga-zergak bertan behera uzteko eta berdinen arteko elkarrizketa abiatzeko eskatu zion Txinak.
Bruselak lasaitasuna eskatu du
Testuinguru horretan, Ursula Von der Leyen Europako Batzordearen presidenteak dei egin zion Li Oiang Txinako lehen ministroari gerra komertziala "gordintzea saihestea".
Beijingo Gobernuko buruarekin telefonoz egindako solasaldi batean, Von der Leyenek nabarmendu zuen "inportanteena" dela "nazioarteko ekonomiaren egonkortasunari eustea".
Von der Leyenen esanetan, Europar Batasuna eta Txina munduko merkatu handienak dira eta haien "erantzukizuna" da "merkataritza sistema irmoa, askea eta justua" babestea.
Zure interesekoa izan daiteke
Trumpek % 25eko muga-zerga ezarri die Irango ondasunak erosten dituzten herrialdeei
Programa nuklearraren inguruan AEB eta Iran zeharka egiten ari diren negoziazioen ostean etorri da erabakia. Asiako herrialdeak adierazi du "hasiera ona" izan direla elkarrizketak.
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.