Txinak Trumpi erantzun dio, apirilaren 10etik aurrera AEBko produktu guztiei % 34ko muga-zergak ezarrita
Donald Trump AEBko presidenteak apirilaren 2an iragarritako neurri protekzionistei erantzunez Txinako Gobernuak iragarri duenez, "2025eko apirilaren 10etik aurrera" % 34ko muga-zergak ezarriko dizkiete AEBtik inportatzen diren salgai guztiei.
Txinako Finantza Ministerioaren arabera, Trumpek Txinatik AEBra egiten diren esportazioei buruz iragarritako neurriak "nazioarteko merkataritzaren arauekin bateraezinak" dira, Txinaren eskubide eta interes legitimoei kalte larria egiten baitiete. Besteak "beldurtzea" praktika ohikoa dutela adierazi du, baina horrek, AEBren interesei kalte egiteaz gain, munduko garapen ekonomikoa eta ekoizpen eta hornidura katearen egonkortasuna arriskuan jartzen ditu.
Washingtonen neurri horiei erantzunez, eta Txinako legeekin eta "nazioarteko zuzenbidearen oinarrizko printzipioekin" bat etorrita, Txinako Estatu Kontseiluko Muga-zergen Batzordeak iragarri du % 34ko muga-zerga gehigarriak ezarriko dizkietela apirilaren 10etik aurrera Ameriketako Estatu Batuetatik inportatutako merkantzia guztiei.
Horrela, Txinako Ministerioak AEBko Gobernuari eskatu dio berehala bertan behera utz dezala muga-zergak ezartzeko aldebakarreko erabakia, eta merkataritza alorrean sor daitezkeen ezadostasunak modu ekitatiboan eta errespetuz konpon ditzatela.
AEBko presidenteak 'Askapen Eguna' izendatu zuen iragan asteazkena, eta iragarri zuen % 34ko muga-zergak ezarriko zizkiela Txinatik egindako inportazioei, eta hori aurretik iragarritako % 20ko muga-zergei gehituta.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).