Israelgo Armadak onartu du atxilotu palestinarren milaka objektu eta diru pilatu dituela
Israelgo Armadak onartu du atxilotutako palestinarren milaka objektu eta dirua biltzen dituela, baina horri buruzko informazio zehatza emateari uko egin dio, "datu base zentralizaturik ez" duela argudiatuta.
Israelgo Hatzlacha (arrakasta hebraieraz) erakundeak Haaretz egunkari israeldarrarekin batera aurkeztutako informazio eskaerari erantzunez, Armada sionistak azaldu du atxilotuen "milaka objektu" dituela, dirua barne.
Eskakizunari erantzuteko igorritako agirian, apirilaren 7an, Israelgo Armadak ez du ematen, Hatzlacha erakundeak eskatu bezala, objektuen zerrenda bat, ezta diru kopuru bat ere, ez dituela "modu zentralizatuan" gordetzen argudiatuta, eta informazio hori zehazteak objektuen "azterketa bat beharko luke", eta horrek "dozenaka lanegun beharko lituzke" eta "baliabideak zentzugabe xahutzea" ekarriko luke.
Israelgo Gobernuaren gardentasuna bilatzen duen Hatzlacha erakunde israeldarraren talde juridikoko buru Elad Manek azaldu duenez, 2024ko irailaren 16an aurkeztutako eskaeran Israelek 2024ko urritik atxilotu dituen eta Gazan askatu dituen edo atxilotuta jarraitzen duten palestinarren objektu pertsonalen zerrenda eta diru kopurua eskatu zuen.
Abokatuak adierazi duenez, atzemandakoa telefono mugikorrak, nortasun agiriak, arropa edo dirua dira. Era berean, objektu horiek gordetzeko eta mantentzeko aginduei edo protokoloei buruzko xehetasunak eskatzen ditu erakundeak.
Bere erantzunean, Armada sionistak adierazi du "ezinezkoa" dela "gordailu prozedurari buruzko jarraibideak argitaratzea, horiek konfidentzialak direlako, eta ezin direlako zabaldu".
Abokatuaren ustez, ordea, "informazioa emateari uko egitea jarrera kezkagarria da, eta horren justifikazioa zalantzagarria da, eta baliteke legediaren aurkako izatea"; izan ere, haren ustez, printzipio gidaria gardentasuna izan beharko litzateke, "segurtasun nazionala benetan arriskuan egongo litzatekeen kasu egiaztatuetan" izan ezik.
Horregatik, erakundeak, legezko bide egokien bidez, erantzuna zalantzan jartzeko asmoa duela adierazi du. "Beharrezkoa bada, epaitegietara eramango dugu auzia", ohartarazi du abokatuak.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.