"Erabateko" gatibu trukea eskaini dio Hamasek Israeli, eta bost urteko menia eskatu dio ordainetan
Hamasek "erabateko" gatibu trukea egiteko proposamena jarri dio mahai gainean Israeli. Trukean, bost urteko menia eskatu dio, Gazan su eten iraunkorra lortzeko asmoz, eta betiere, Israelgo Armadak Zerrendatik alde egiten badu.
Anonimotasunean, Hamaseko goi kargu batek Al Mayadin telebista kateari azaldu dio "Hamas epe luzerako su eten baterako prest" dagoela, baldin eta horretarako bermeak baditu. "Israelek Gazatik ihes egiten duenean, laguntza iristen denean eta gure herria berriro eraikitzen hasten garenean, orduan izango ditugu behar ditugun bermeak", esan du.
Horrekin batera, Hamaseko ordezkariak batzorde politiko baten eraketa agindu du, "Gazako gaiak" kudeatze aldera, eta, etorkizunera begira, "talde palestinarren arteko nazio akordio bat" defendatu du.
Adierazpen horiek egiten zituen bitartean, Hamaseko ordezkaritza bat Kairora bidean zen. Han, Egiptoko bitartekariek "su eten baterako akordio integral bat" eskaini diote Hamasi.
Segurtasun ordezkari egiptoar baten hitzetan, "Nazioarteko bermeak dituen eta gerrari amaiera emango dion akordio bat proposatu dio Egiptok Hamasi".
Astebetean bi aldiz joan da Egiptora negoziazioetan parte hartzen ari den taldea. Iazko urrian, Gazan, Yahya Sinwar burua hil zutenetik, Jaled Mishaal, Jalid al Haya, Zaher Jabareen eta Nizar Awadala ari dira negoziazio lanetan, Hamasek ohar batean argitu duenez.
Zure interesekoa izan daiteke
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haurtzaro osoaren % 32 indarkeria armatuaren eraginpean bizi da. 2024an, egunero batez beste 78 haur erailketaren, bahiketaren, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.