Merz bigarren saiakeran hautatu dute Alemaniako kantziler, lehenengoan porrot egin eta gero
Friedrich Merz kontserbadorea Alemaniako kantziler izendatu berri du bigarren saiakeran Busdestagek (Parlamentuko Behe Ganberak). Lehen bozketan 316 botoko gehiengoa lortzerik ez du izan.
Bigarrenean, ordea, aldeko 325 boto eta kontrako 289, abstentzio 1 eta 3 boto baliogabe izan dira. Batasun Kristaudemokratak (CDU) eta haren ahizpa Batasun Sozialkristauak (CSU) eta Alderdi Sozialdemokratako koalizio bazkideek osatutako blokeak 328 eserleku ditu. Ondorioz, bloke horretako hiru diputatuk ez dute Merzen alde bozkatu oraingoan ere.
Julia Klockner Bundestag Behe Ganberaren presidenteak iragarri duenez, "Friedrich Merz diputatuak 316 botoko gehiengoa gainditu du. Alemaniako Errepublika Federaleko kantziler federalaren Oinarrizko Legearen 63. artikuluaren 2. parrafoaren arabera aukeratu dute".
Iragarpenarekin batera, diputatu gehienen txalo zaparrada izan da, eta, ondoren, Merz zutitu egin da, eta Klocknerrek erabakia onartzen zuen galdetu dio. "Presidente andrea, konfiantza eskertzen dut eta erabakia onartzen dut", erantzun du Merzek txalo artean.
Egoera berria
Ordu batzuk lehenago, Merzi sei boto falta izan zaizkio beharrezko gehiengoa lortzeko, eta horrek harridura handia sortu du, bloke kontserbadoreak eta sozialdemokratek 12 botoko tartea zutelako bozketa aurrera ateratzeko.
Bozketa horretan 310 diputatuk alde bozkatu dute, eta, 307k, kontra. Gainera, boto baliogabe bat eta hiru abstentzio izan dira.
Hortaz, ondorioztatzen da alderdi kontserbadore eta/edo sozialdemokratetako 18 diputatuk —guztiak hemizikloan zeuden— ez dutela Merzen aldeko botorik eman lehen itzulian.
Egoera berria dela eta, Klocknerrek bertan behera utzi du saioa bost orduz baino gehiagoz, talde parlamentarioek eztabaidatzeko denbora izan zezaten. Horren ostean, CDUk eta CSUk erabaki dute ez itxarotea eta bigarren itzulia gaur bertan egitea, Parlamentuan dauden alderdi guztien babesarekin, AfD ultraeskuindarrarena izan ezik.
Alemaniaren historia garaikidean, kantziler izateko hautagai bakar batek ere ez du inoiz huts egin gobernuburu aukeratzeko lehen bozketan.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.