Zer gertatu da konklabean? Honela nagusitu zaio Prevost faborito zen Parolini
Konklabearen barruan gertatzen dena sekretua bada ere, ia ezinezkoa da filtrazioak galaraztea, eta horiek ahalbidetu egiten dute Kapera Sistinoan jazotakoa jakitea.
Frantziskoren ondorengoa hautatzeko konklabeak arrazoia eman dio berriro Erroman gehien errepikatzen den esaera zaharrari: konklabean aita santu sartzen dena kardinal ateratzen da.
Horren ildotik, Italiako hedabideek (iturri onak omen dituzte beti Erromako kurian) azaldu dutenez, faboritoak, hots, Pietro Parolin Vatikanoko Estatu idazkariak, aurrea hartu zuen lehen bozketan, baina azkenean amore eman behar izan zuen, aita santu bihurtzeko adina babes bilduko ez zuela ikusita.
Il Messaggero egunkariaren esanetan, Parolinek "atzerapausoa" eman zuen, kardinal italiarrek "traizioa" egin eta botoak Robert Francis Prevost estatubatuarrari, gero Leon XIV.a aita santua izango zenari, eman zizkiotelako. Antza denez, munduko hegoaldeko kardinalen babesa ere izan du estatubatuarrak.
Il Corriere della Sera ere iritzi berekoa da. Horren arabera, Parolinek "aldea" lortu omen zuen lehen bozketan, baina "ordu gutxitan" norabide aldaketa izan zen, Prevosten mesedetan.
La Repubblicak zehaztasun gehiago eman ditu: Leon XIV.ak "boto transbertsalak" eta "berglogiano moderatuenak" jaso zituen.
"Italiako Elizak galdu egin du", esan du La Stampak, "hautagai gehiegi" zituelako. Horren aurrean, Prevostek "estatubatuarren eta hegoaldeko kardinalen" botoak bildu ditu.
Parolinek ez zuen Afrikako eta Asiako purpuradunen babesa izan, Il Giornalek zabaldu duenez, eta nabarmendu egin du Timothy Dolan New Yorkeko artzapezkikuak Prevosten alde egindako lana. "Hura izan da benetako kingmaker-a", azaldu du.
Bien bitartean, Frantzisko aita santua zenaren aldekoak "zatituta" zeuden, eta ez ziren gai izan alternatiba sendo bat mahaigaineratzeko.
Albiste gehiago mundua
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.
Jane Goodall primatologo, etologo eta antropologo britainiarra hil da, 91 urte zituela
Primateetan aditua, "Lady Chimpanzee" izenez ezaguna da txinpantzeekin egindako lanagatik. Haren izena daraman Institutuak jakinarazi du berez hil dela, Kalifornian (Ameriketako Estatu Batuak).
Albiste izango dira: Israelek Global Sumud Flotilla geldiarazi du, EITB Focus eta EITB Maratoiaren aurkezpena
Gaurkoan Orain-en albiste izango direnen laburpena, bi hitzetan.
Milaka pertsona irten dira kalera Italian Flotilla atzeman dutela salatzeko
Italiako hiriburuko erdigunean 10.000 pertsona inguru bildu dira manifestazioan, hango hedabideen arabera. Italiako sindikatu nagusiak, CGILek, greba orokorra deitu du ostiralerako, "herritar italiarrak zueden ontzien aurkako erasoa" salatzeko.
Israelgo Armadak Global Sumud Flotillako hainbat ontzi abordatu ditu
Flotillak baieztatu duenez, gutxienez 'Alma' eta 'Sirius' ontziak abordatu dituzte. Azken horretan, Ada Colau Bartzelonako alkate ohia doa. Instagrameko mezu batean adierazi dutenez, tripulatzaileen segurtasuna berresteko lanean ari dira. Italiako Defentsa ministroak adierazi du ontzidia inguratuta dagoela eta Ashdodera (Israel) eramango dutela.
Hamasek Trumpen Gazarako plana aztertzen jarraitzen du, baina Israelek erabat beteko duela bermatzea eskatu du
Negoziazioen berri duten iturrien arabera, Palestinako mugimenduak bermeak eskatzen dizkie bitartekariei; Israelek su-etena urratuko ez duela eta Gazatik aterako dela ziurtatu nahi du.
Gaza erabat setiatzear dagoela esan du Israelek, eta ihes egiteko "azken aukera" eman die gazatarrei
"Hegoalderatz joatea da Gazako biztanleek duten azken aukera, Hamaseko terroristak Gazako hirian isolatuta utzita, Israelgo Indar Armatuen jarduerek jarraituko dutelako", ohartarazi du Israel Katz Israelgo Defentsa ministroak.
Leherketa bat eta hainbat gertakari izan dira Munichen, eta itxi egin behar izan dute Oktoberfest azoka
Municheko Oktoberfest azoka, irailaren 20tik martxan den munduko garagardo-azokarik jendetsuena, itxi egin behar izan dute gaur, "egiaztatutako bonba-alerta baten ondorioz". Etxe bat eta hainbat auto kiskali dituen sute baten ostean, poliziak "gertakariarekin lotutako" gorpu bat aurkitu du. Municheko alkatearen arabera, "mehatxuak dakartzan eta serio hartu beharreko" gutun bat ere aurkitu dute.
AEBn, aurrekontuak egiteko akordio faltak Gobernu Federala zati batean ixtea eragin du
Ordezkaritza zabalena duten alderdiek ez dute lortu nork bere aurrekontu-proposamena aurrera ateratzeko adina babes. Oraingoz, itxierak ez du eraginik funtsezko zerbitzuetan, baina akordioa lortu arte funtzionarioek ez dute kobratuko.