Israelek gutxienez 115 gazatar hil ditu 24 ordu baino gutxiagoan
Bonba hotsek ez dute etenik jada txikituta dagoen Gazako Zerrendan. Asteazken goizaldetik gutxienez 115 pertsona hil ditu Israelgo Armadak, Gazako larrialdi zerbitzuek adierazitakoaren arabera. Bonbardaketak gogortu ditu, eta azken orduetan iparraldean eta hegoaldean egin ditu bereziki erasoak.
Khan Yunisen egin dituzte eraso bortitzenak. Etxebizitzen eta kanpalekuen gainera egin du eraso Israelek bertan, 70etik gora hildako eraginez, haurrak eta emakumeak gehien-gehienak. Gainera, dozenaka zauritu eraman dituzte Nasser Orpitalera, WAFA Palestinako alibste agintziak dakarrenez.
Azken eraso horien ondorioz Khan Yunisen kokatutako Gazako Ospitale Europarra, minbiziadun pazienteak artatzeko prestatuta zegoen bakarra, zerbitzuz kanpo geratu da.
Era beran, hainbat pertsona hil ditu Israelek Rafan edo Khuzan, hegoaldean horiek ere, bai eta Gaza hirian eta iparraldeko beste herri batzuetan ere, Beit Lahia edo Jabalia, kasu. Azken horretan hamabost pertsona dira, gutxienez, hildakoak, bonbek otoitzarako leku bat eta klinika bat jo ostean.
Bigarren egunez jarraian bonbardaketa gogorrak egin ditu Israelgo Armadak Gazan, izan ere, asteazken honetan gutxienez 70 pertsona hil zituen, tartean haurrak.
Pasa den astelehenean Hamasek aske utzi zuen Edan Alexander gatibu israeldar-estatubatuarra —2023ko urriko erasoetan bahitu eta orain arte Gazako Zerrendan atxikita egon da— keinu gisa. Hala ere, Israelek eraso eginez erantzun du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.