Israelek nazioarteko presioari jaramonik ez eta Gazaren aurkako erasoa gogortu du
Gutxienez 35 pertsona hil eta dozenaka zauritu ditu Israelek Gaza Hiriko babes-eskola baten aurka egindako erasoak, eta enklabeko beste puntu batzuetan ere badira biktimak. Laguntza humanitarioaren blokeoa dela eta nazioartean zabaldutako kezkak gora egiten du.
Gazako agintariek emandako zifra ofizialen arabera, 53.939 dira hildakoak, eta 122.000 baino gehiago zaurituak, 2023ko urriaren 7an Hamasen erasoen ostean Israelek abiatutako erasoaldia hasi zenetik. Martxoan su-etena hautsi zenetik, ia 3.800 hildako zenbatu dituzte.
Egoera humanitarioak okerrera egiten jarraitzen du, martxoaren 2tik laguntza humanitarioa guztiz blokeatuta baitago. Nazio Batuek eta Gurutze Gorriak, besteak beste, gogor kritikatu dituzte Israelek laguntza kontrolatzeko egindako saiakerak.
Horrela, Jake Wood Gaza Humanitarian Foundationen zuzendariak (Israelek eta AEBk Gazan laguntza banatzeko sortutako fundazioa) dimisioa eman du. Militar ohiak azaldu duenez, fundazioak ezin ditu humanitarismoaren, neutraltasunaren eta independentziaren oinarrizko printzipioak bete. "Argi dago ezin dela plana ezarri printzipio horiek urratu gabe", azaldu du ohar bidez.
2023ko urrian Gazaren kontrako erasoaldia hasi zuenetik, Israelek laguntza humanitarioa (janaria, gasolina eta botikak) aldiro-aldiro sartzea baino ez du ahalbidetu. Bertan bi milioi palestinar inguru bizi dira.
Nazio Batuek eta beste talde humanitario batzuek, hala nola Gurutze Gorriaren Nazioarteko Batzordeak, Israelek Gazarako laguntza humanitarioa kontrolatzeko planen aurka egin dute.
Woodsek, gainera, dei egin dio Israeli "Gazarako laguntza-hornidura nabarmen zabal dezan, baita interesa duten alde guztiei ere, laguntza emateko metodo berritzaile berriak aztertzen jarraitzeko, atzerapenik, desbideratzerik eta diskriminaziorik gabe".
Trumpek "ahalik eta arinen amaitzea" nahi du
Donald Trump AEBko presidenteak azpimarratu duenez, Israelen erasoa "ahalik eta azkarren" amaitzea nahi du. "Hori geldiarazi dezakegun ikusi nahi dugu", esan du.
"Egoera hori guztia ahalik eta azkarren geldiarazi dezakegun ikusi nahi dugu", adierazi du Morristowneko aireportuan, New Jersey estatuan.
Duela gutxi Ekialde Hurbilean bira bat egin du Trumpek, baina ez du Israel bisitatu. AEBko presidenteak oraingoz ez du bat egin Benjamin Netanyahuri ezartzen ari dioten nazioarteko presioekin, erasoaldia gogortu egin delako eta enklabeari laguntza bi hilabetez baino gehiagoz eten diotelako, krisi humanitario handi batean murgilduz.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.