Israelgo Gobernuak 22 kolonogune gehiago ezarriko ditu Zisjordanian, azken 30 urteetako kopururik handiena
Israelgo Gobernuak baieztatu du 22 kolonogune ezarriko dituela Zisjordaniako hainbat tokitan. Iragarpena ostegun honetan egin du Bezalel Smotrich Israelgo Finantza ministroak, eta Peace Now gobernuz kanpoko erakundeak adierazi du 1993tik izan den neurririk gogorrena dela; izan ere, urte horretan hartu zuen Israelek konpromisoa legez kanpoko kokaleku gehiagorik ez ezartzeko.
Smotrich legez kanpoko kolonoguneak zabaltzearen eta kolonia berriak ezartzearen alde mintzatu da: "Egun handia da hau asentamenduentzat; eta egun garrantzitsua, Israelgo Estatuarentzat", esan du, eta nabarmendu du ez dituztela eurenak "ez diren lurrak hartuko, arbasoen herentzia baizik".
Hamas talde islamistak, bere aldetik, gaitzetsi egin du iragarritakoa, eta NBEri eta nazioarteko komunitateari eskatu die "zigortzeaz harago doazen premiazko neurriak" har ditzatela.
Ezarriko dituzten 22 kokalekuen artean daude 2005ean utzitako bi kokaleku zahar, lau berri Jordaniako mugan, eta hainbat Zisjordania osoan sakabanatuta.
23 hildako, Israelek Gazako erdialdean egindako eraso batean
Bitartean, Gazan, bonbardaketek aurrera jarraitzen dute, eta Israelek egin berri dituen erasoaldiek dozenaka biktima zibil eragin dituzte ostegun honetan ere. Hala, gutxienez 23 palestinar hil dituzte etxebizitza baten kontra egindako bonbardaketa batean, Al Bureij errefuxiatu kanpalekuan, Gazako Zerrendaren erdialdean.
Gainera, beste sei palestinarren gorpuak Shifa Ospitaleko gorputegira iritsi dira gaur, horien artean bi neska gazterenak, Israelek Jabalia hiriko etxe baten aurka egindako bonbardaketa batean hildakoak.
Gazako egoerak, bitartean, kezkagarria izaten jarraitzen du. Ez da ez laguntza humanitariorik ez elikagairik iristen, eta laguntza bakarra Gazarako Fundazio Humanitarioak kudeatzen jarraitzen du; azken egunotan polemika handia eragin duen erakundeak, hain zuzen ere. Hala ere, bi eguneko kaosaren ondotik, badirudi gaur zerrendaren erdian postu bat ezarri nahi dutela.
Negoziazioek, aurrera
Steve Witkoffek, Etxe Zuriak Ekialde Hurbilean duen ordezkari bereziak, beste su-eten proposamen bat aurkeztu die Hamasi eta Israeli, Israelgo eta AEBko hedabideek jakinarazi dutenez.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.