Nahasmena eta etsipena Gazan, AEBk eta Israelek bultzatutako fundazioaren laguntza banatzeko
Ehunka pertsonak hesiak gainditu dituzte eta kontrolik gabe sartu dira Gazako Fundazio Humanitarioak kudeatzen dituen laguntza banatzeko guneetako batean, gobernuz kanpoko erakundeetako iturriek ziurtatu dutenez.
Israelgo Armadak onartu du "abisu tiroak" bota dituela "eremutik kanpo", jendea sakabanatzeko, baina ukatu egin du helikopteroetatik herritarren aurka tiro egin izana.
Fundazio berriak, GHFk (ingelesezko siglak), ohar batean adierazi duenez, "arratsaldeko une batean, banaketa puntuan zegoen jende kopurua hain zen handia, ezen lantaldeak atzera egin behar izan du, gazatar kopuru txiki batek laguntza segurtasunez hartu eta alde egiteko". Gertakariaren ostean, banaketa berriz hasi da, antolakuntzak adierazi duenez.
"Gutxi gorabehera, 8.000 janari kutxa banatu dira orain arte. Bakoitzak 5,5 pertsona elikatzen ditu 3,5 egunez, 462.000 otordu guztira", zehaztu du GHFk bere oharrean.
GHFk salatu du, gainera, Hamas sarbidea blokeatzen ari zela, baina ez du inolako frogarik aurkeztu.
Zerrendako Gobernuak, aldiz, ukatu egin ditu akusazio horiek "asmakizuntzat" jo ditu, eta ikusitako irudien ondotik "atsekabetuta" daudela adierazi du. Gazako Exekutiboak istiluen irudiak zabaldu ostean adierazi duenez, Israel "porrot egiten ari da laguntza banatzeko proiektuan".
"Gaur gertatu dena okupazioaren porrotaren froga erabakigarria da, gosete, setio eta bonbardaketa politiken bidez nahita sortu duen egoera humanitarioa kudeatzeko orduan", salatu du Gazako Administrazioak.
Irudi "lazgarriak"
Antonio Guterres NBEren idazkari nagusiak "lazgarritzat" jo ditu gaur GHFren janari banaketako irudiak. Nazio Batuen baiezkorik gabe AEBk martxan jarritako proiektua dela gogorarazi du NBEk.
Idazkaritza nagusiaren izenean, Stephane Dujarric bozeramaileak esan du irudi horiek "gutxienez, lazgarriak" direla, eta berretsi du NBEk ez duela proiektuan "parte hartzen".
Nabarmendu duenez, "guretzat, laguntza humanitarioa independentzia eta inpartzialtasun printzipioen arabera modu seguruan banatu behar da, beti egin dugun erara", AEBk eta Israelek babestutako ekimenak egin ez bezala.
"Egitasmoa aztertu genuen, argitaratu zutena eta aurkeztu zigutena, eta ez da gure printzipioak betetzen dituzten parametroekin egin, Gazan, Sudanen eta Birmanian aplikatzen ditugunekin", azpimarratu du.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.