Tel Aviv, Haifa, Beersheba eta bi hegazkin base misilekin eta droneekin eraso ditu Iranek
Abas Araqchi Irango Atzerri ministroak Genevan esan duenez, Israelen "erasoa gelditu eta erasotzailea epaitzen dutenean diplomaziari berriz heltzeko prest daude".
Iranen eraso batek gaur Haifan (Israel) eragindako kalteak. Argazkia: EFE
Irango Guardia Iraultzaileak gaur jakitera eman duenez , misilekin eta droneekin eraso egin die Israelek Tel Aviven, Haifan (iparraldea) eta Beersheban (erdialdea) dituen zentro militarrei eta defentsa industriei, baita Nevatim eta Hatzerimeko hegazkin baseei ere.
Gatazka hasi zenetik Israelen aurka egindako 17. eraso oldea izan dela esan du Guardia Iraultzaileak, eta azpiegitura militar eta defentsibo ugariri eraso diela adierazi du, "misil balistikoen boterearen" erakusgarri.
Israelek onartu dutenez, inpaktuak izan dira Haifan eta herrialdearen erdialdean eta hegoaldean, eta Israelgo Magen David Adom (MDA) larrialdi zerbitzuak baieztatu du 16 urteko gazte bat larri zauritu dutela.
MDAk jakinarazi duenez, 23 zauritu eraman dituzte ospitalera Haifaren aurkako erasoaren ostean, tartean 16 urteko gaztea eta 54 eta 40 urteko bi gizon metraila zauriekin.
Eraso berria Ali Khamenei Irango buruzagi gorenak ospatu du: "Etsai sionista zigortzen ari dira. Orain, jada zigortua izaten ari da", irakur daiteke bere profiletako batean X sare sozialean, ke zutabe handi bat eta "Haifa oraintxe bertan" irakur zitekeen argazki batekin batera.
Ordu batzuk lehenago, Irango Guardia Iraultzaileak jakitera eman duenez, Israelgo Canal 14 hedabideari eraso egin diote, "propaganda sionistaren bitarteko delako", eta bonbardaketa baino lehentxeago abisatu dute, Israelek duela egun batzuk Irango telebista publikoaren aurka egin bezala.
Bestalde, Abas Araqchi Irango Atzerri ministroak esan du prest daudela "diplomaziari berriro heltzeko, erasoa gelditu eta erasotzailea epaitzen dutenean", Genevan egindako adierazpenetan, Frantziako, Alemaniako eta Erresuma Batuko diplomaziaburuekin eta EBko Kanpo Politikarako goi ordezkariarekin egindako bileraren ostean.
Mobilizazio masiboak Yemenen eta Iranen
Milaka pertsonak protesta egin dute gaur Sanan, Yemengo hiriburuan, Abdelmalek al Huti buruzagiak deituta, Gazako palestinarrei eta Irani babesa adierazteko eta Israelen erasoak gaitzesteko.
"Gaza eta Iranekin tinko jarraitzen dugu sionisten eta estatubatuarren krimenen aurka" lelopean, milaka manifestarik Yemengo, Palestinako eta Irango banderak astindu dituzte.
Era berean, milaka irandar atera dira gaur herrialdeko hiri handietako kaleetara, tartean Teheran hiriburuan, Gobernuari eta segurtasun indarrei babesa adierazteko.
Putinen kezka
Vladimir Putin Errusiako presidenteak onartu du "oso kezkatuta" dagoela egoera dela eta hirugarren mundu gerra bat pizteko aukeraren aurrean: "Kezkatzen nau. Ironiarik eta txantxarik gabe diot".
San Petersburgoko Nazioarteko Ekonomia Foroan, Errusiako presidenteak ziurtatu du Moskuk ez duela bitartekari lana bere gain hartu nahi Israelen eta Iranen arteko gatazkan, baizik eta egoera konpontzeko "ideiak proposatu".
Gainera, Ali Khamenei Irango buruzagiren balizko hilketa baten inguruan Israelek egindako mehatxuak soilik erretorika izatea espero duela adierazi du Putinek.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.