Trumpek "gerra etetea" proposatu dio Putini, eta honek erantzun du Errusiak Ukrainan dituen helburuei "uko egingo ez" diela
"Trumpek berriro planteatu du Ukrainako gerra laster etetea", jakinarazi du Yuri Ushakov Kremlineko nazioarteko politikako aholkulariak, bi buruzagiek gaur izandako telefono elkarrizketari buruz.
Volodimir Zelenski, Vladimir Putinen eta Donald Trumpen artean. Artxiboko irudia: eitb.eus
Donald Trump AEBko presidenteak eta Vladimir Putin Errusiako buruzagiak telefonoz hitz egin dute gaur, eta Ukrainako "gerra laster etetea" proposatu dio agintari errepublikanoak errusiarrari, Kremlinek jakitera eman duenez.
"Trumpek berriro planteatu du Ukrainako gerra laster etetea", esan du Yuri Ushakov Kremlineko nazioarteko politikako aholkulariak, telefonoz emandako prentsaurrekoan.
Bestalde, Moskuk Ukrainan dituen helburuei "uko egingo ez" diela esan dio Errusiako presidenteak Trumpi. "Errusiak ez ditu bere helburuak alde batera utziko", berretsi du Ushakovek.
Ia ordubete iraun duen elkarrizketan, bi buruzagiek aurten izan duten seigarrena, Putinek Trumpi jakinarazi dio Istanbuleko azken negoziazioetan Ukrainarekin adostutako neurri humanitarioak betetzen ari direla, eta Mosku prest dagoela Kievekin hitz egiten jarraitzeko.
"Gatazka konpontzeko irtenbide politikoa bilatzen jarraitzen dugu", adierazi du Putinek, baina Moskuren eta Kieven arteko hirugarren negoziazio bati ez diotela heldu azpimarratu du.
Ukrainaz gain, bi presidenteek sakon aztertu dute Irango programa nuklearraren eta Siriaren inguruko egoera.
AEBk armen bidalketa geldiarazi du
Bilera-sorta berri honekin batera, Ameriketako Estatu Batuetako Gobernuak iragarri du geldiarazi egin duela arma jakin batzuk Ukrainara bidaltzeko prozesua, bertako armategien gaitasunak aztertzeko. Kieven zalantzak sortu dituen erabakia da, baina Moskuk neurria txalotu du, bakearen alde egin dezakeela aditzera emanez.
Zentzu horretan, Ukrainako presidenteak gaur Danimarkan adierazi duenez, ostiral honetan edo datozen egunetan AEBko agintariarekin hitz egin ahal izatea espero du, Washingtonek Ukrainarekin adostutako armamentu bidalketa bertan behera uzteko erabaki horren inguruan.
Bestalde, Ukrainako Gobernuak eta Swift Beat enpresa estatubatuarrak akordioa sinatu dute Errusiako Indar Armatuek jaurtitako 'shahedak' botatzeko droneak batera ekoizteko.
Bi bilera-sorta
Trumpen bultzada diplomatikoak Errusiaren eta Ukrainaren arteko bi bilera-sorta ekarri ditu orain arte.
Trumpen eta Putinen arteko aurreko telefono-deia ekainaren 14an izan zen, agintari estatubatuarraren 79. urtebetetzean.
Bitartean, gerra frontean, bi pertsona hil dira gaur Ukrainako Odesa portuan (hegoaldea), Errusiak misil balistiko batekin egindako erasoan. Ukraina erdialdeko Poltava hirian beste bi hildako utzi ditu beste bonbardaketa batek, eskualdeko agintariek jakitera eman dutenez.
Beste aldean, gutxienez pertsona bat hil eta beste hiru zauritu dira gaur Luhansk hiriaren erdialdean izandako leherketan, bertako agintariek jakitera eman dutenez. Luhansk Errusiaren kontrolpean dago.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.