Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
Benjamin Netanyahuren Israelgo Gobernuak jakinarazi du “onartezinak” direla Hamasek Gazako su-eten proposamenari egin nahi dizkion aldaketak. Dena den, negoziatzaile taldea bidaliko du Qatarrera, akordioa bilatzeko elkarrizketekin jarraitzeko.
Netanyahuren bulegoak bidalitako ohar batean agertzen denez, aldaketa horiek “onartezinak” dira, baina ez du zehaztu zeintzuk diren. Ostiralean jaso zituen Netanyahuren gobernuak, eta egoera aztertu ostean, elkarrizketekin jarraitzea erabaki zuen.
Elkarrizketa horien oinarria “Israelek onartutako” su-eten proposamena izango da, Qatarrek mahai gainean jarritakoa.
Netanyahuren gobernuak lehen aldiz hitz egin du su-etenaren inguruko negoziazioei buruz, Donald Trump AEBko presidenteak asteartean Israelek menia onartu zuela jakinarazi ostean.
Hamasek ostiralean iragarri zuenaren arabera, erantzun “positiboa” eman zion su-eten proposamenari, eta “berehala” negoziatzeko prest agertu zen.
Israelgo hedabideek Hamaseko iturriak aipatuta zabaldu dutenez, laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
Horrez gain, talde islamistak eskatu du 60 eguneko su-etenean borrokaldirik ez egotea, eta elkarrizketen helburua “behin betiko su-etena” eta Israel “Gazatik erabat joatea” izatea.
Qatarren proposamenak 60 eguneko su-etena aurreikusten du, eta denbora horretan Hamasek bizirik dauden bahituen erdiak askatzea, 30 hilotzekin batera, Israelen esku dauden hainbat preso palestinarren truke.
Nazioarteari buruzko albiste gehiago
Netanyahuk "berehalako" negoziazioak agindu ditu bahituak askatzeko, asmo militarrei uko egin gabe
Negoziazioak agindu dituen egun berean berretsi du Israelgo Armadak "Gazako hiria hartu eta Hamas garaitzeko" aurkeztu dion plana.
Ehunka palestinarrek desplazamenduaren aurkako manifestazioa egin dute Gaza hirian: "Gaza gurea da"
Bart gauean, Benjamin Netanyahu Israelgo lehen ministroak Gaza hiria hartzeko epeak laburtzeko agindu zion Armadari, inbasioaren hasiera aurreratuz. Kalkuluen arabera, milioi bat pertsona inguru bizi dira Gaza hirian, eta gainerako herritarren zati handi bat (2,1 milioi pertsona guztira) Gazako Zerrendaren hegoaldean.
Ukrainiar bat atxilotu eta behin-behinean espetxera bidali dute Italian, Nord Stream gasbideen sabotajean ustez parte hartzeagatik
Karabineroek atxilotu dute 49 urteko gizona Riminin (Italiako ekialdea), Alemaniako Justizia Auzitegi Federalak abuztuaren 18an eman zuen euroagindua betez. Hain zuzen ere, Alemaniara estraditatuko dute aurki.
Zelenskik esan du Putinekin bildu daitekeela Suitzan, Austrian edo Turkian
Ukrainako presidenteak baztertu egin du bilera Moskun egitea, eta Hungarian antolatzea, planteatu bezala, "zaila" izango litzatekeela uste du eta.
Israelek hastear du Gaza Hiria okupatzeko operazioa
Lehen pausoa eman du jada, Israelgo Armadako iturriek baieztatu baitute tropak zabaldu dituztela hiri inguruan. Gainera, Netanyahuren gobernuak 60.000 erreserbista gehiago aktibatu nahi ditu irailetik aurrera. Antonio Guterresek, bien bitartean, ekintza militar horrek Gazan sor lezakeen heriotza eta suntsipenaz ohartarazi du.
Netanyahuk Gazako hiriaren inbasio militarra aurreratzeko agindu du, baina datarik eman gabe
Israelgo Armadako bozeramailearen esanetan, hiriko sarrerak kontrolatzen dituzte eta inguruko auzoetan indarrak pilatu dituzte.
Errusiaren interesak kontuan hartzen ez dituzten Ukrainarentzako segurtasun berme kolektiboak errefusatu ditu Moskuk
Sergei Lavrov Errusiako diplomaziaren buruak Kieverako segurtasun bermeei buruz egindako galderari erantzunez, Moskuk "bidezko interesak irmo eta zorrotz" defendatuko dituela ziurtatu du.
Zisjordanian asentamendu gehiago ezartzeko plana onartu du Israelek, Estatu palestinarraren “iruzurra ezabatzeko”
Palestinako Agintaritzak Nazioarteko Zuzenbidearen beste urraketa bat salatu du, eta zigorrak eta nazioarteko esku-hartzea eskatu ditu.
EITBk Evo Morales elkarrizketatu du
Boliviako presidente ohia hiri hurbilenetik bost ordura bizi da, hiru segurtasun perimetrok babestuta, bere aurkako atxilotze agindua saihesteko. Eneko Zuberogoitia EITBren korrespontsalak haren gotorlekura sartu eta Evo Morales elkarrizketatu ahal izan du.
Poloniako agintariek salatu dute drone militar bat erori dela herrialdearen ekialdean
Defentsa Ministerioak oraindik ezin izan du zehaztu muga zeharkatzea hanka-sartzea izan ote zen edo sabotaje ekintza bat egiteko erabili zuten.