Zelenskik bere aliatuen 10.000 milioi baino gehiago lortu ditu "gatazka amaitu ondoren Ukraina berreraikitzeko"
Ukraina Berreraikitzeko IV. Biltzarrak ia 5.000 parte-hartzaile bildu ditu Erroman. Errusiak "zinikotzat eta gezurtitzat" jo ditu bildutako estatuak eta erakundeak.
Volodimir Zelenski Ukrainako presidentea bere aliatuekin eta enpresekin bildu da gaur Erroman , bere herrialdearen "etorkizuneko berreraikuntzan" 10.000 milioi euro baino gehiago inbertitzeko konpromisoa lotzeko, Errusiarekin hiru urte baino gehiago gerran eman ostean.
"Bilera hau batasun eta gure bizitzak berreskuratzearen ikur da", esan du Ukrainako agintariak, Giorgia Meloni Italiako lehen ministroarekin egindako prentsaurrekoan.
Ukraina Berreraikitzeko IV. Biltzarrak (URC, ingelesezko siglak) ia 5.000 parte-hartzaile bildu ditu Erroman, tartean 100 bat estatu ordezkaritza eta 2.000 enpresa eta erakunde.
Donald Trump AEBko presidentearen Ukrainarako ordezkari berezia ere bertan izan da, Keith Kellogg jenerala.
Hitzorduaren helburua Ukrainari beste behin babesa ematea zen, baina baita "baliabideak mobilizatzea ere, inbaditutako estatuak bere hiriak, azpiegiturak eta ekoizpen sistemak berreraiki ditzan gatazka bukatu ondoren".
Biltzarraren agertokitik, Melonik iragarri du biltzarrean 10.000 milioi euroko akordioak itxi dituztela, eta Italiako eta nazioarteko enpresei inbertitzen jarraitzeko deia egin die; Ukrainako presidenteak, aldiz, kopuru hori "oso adierazgarritzat" jo du.
Ursula von der Leyen Europako Batzordeko presidentea goi-bileran izan da Erroman, Europako Parlamentuak bere kontrako zentsura-mozio bat errefusatzen zuen bitartean, eta 220 milioi euroko hasierako kapitala izango duen funts bat sortuko dutela iragarri du, inbertsio pribatuak erakartzeko.
Esan duenez, mekanismo horrek Alemania, Italia, Frantzia, Polonia eta Europako Inbertsio Bankuaren parte-hartzea izango du.
Errusiako Enbaxada
Gerra gelditu eta bere arrazoi sakonak konpondu beharrean, bere ondorioetan jartzen dute indarra, horrela mundu osoari bere domeinu-irrika, zekenkeria eta gutizia erakutsiz
Pedro Sanchez Espainiako Gobernuko presidentea ere izan da goi-bileran, eta Ukrainari babesa adierazi dio berriro.
Goi-bilera honen erantzuna Errusiak Italian duen enbaxadako sare sozialetatik iritsi da, eta bildutako estatuak zein erakundeak "zinikoak eta gezurtiak" direla esan du.
"Gerra gelditu eta bere arrazoi sakonak konpondu beharrean, bere ondorioetan jartzen dute indarra, horrela mundu osoari bere domeinu-irrika, zekenkeria eta gutizia erakutsiz, horregatik benetako edozein egitate erabat desitxuratzeko prest dauden", kritikatu du.
Nazioarteari buruzko albiste gehiago
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.