Japonian agintean dagoen koalizioak gehiengoa galdu du behe ganberan, baina lehen ministroak jarraitzeko asmoa du
Alderdi Liberal Demokratikoak (PLD) eta Komeito alderdiak osatzeko duten koalizioak 47 eserleku eskuratu ditu, gehiengoa bermatzeko behar diren 50 horien azpitik. Gainera, eskuin muturreko Sanseito alderdia oposizioko hirugarren alderdia izatera iritsi da, 14 ordezkari lortuta.
Shigeru Ishiba Japoniako lehen ministroa, hauteskundeen emaitzak ezagutu ondoren egindako agerraldian. Argazkia: EFE
Shigeru Ishiba Japoniako lehen ministroaren koalizioak gehiengoa galdu du behe ganberan, igande honetan herrialdean egin diren hauteskundeetan. Hala ere, gobernuburuak agintean jarraitzeko asmoa duela iragarri du.
Behin betiko emaitzen arabera, Alderdi Liberal Demokratikoak (PLD) eta haren bazkide den Komeitok 47 eserleku eskuratu dituzte, gehiengoa bermatzeko behar diren 50 horien azpitik.
Denbora gutxian, bi ganberetan zuen gehiengoa galdu du aipaturiko koalizioak. Izan ere, pasa den urrian goi ganberako gehiengoa galdu zuen. Egoera horrek arriskuan jar dezake Japoniako Gobernua, eta litekeena da alderdi barrutik Ishibaren dimisioa eskatzea ere.
Edozein kasutan, momentuz, lehen ministroak agintean jarraituko duela iragarri du, lehen indarra izaten jarraitzen dutelako, eta kolpeak kolpe, jende askok babesa eman dielako.
Oposizioko taldeen artean Japoniako Alderdi Demokratikoa (PDC) izan da bigarren indarra, 22 ordezkarirekin, Herriarentzako Alderdi Demokratikoaren (17 eserleku) aurretik.
Eguneko sorpresa eskuin muturreko Sanseito alderdiak eman du, 14 ordezkari lortuta.
Pandemia garaian YouTuben sortua, alderdiak ikusgarritasuna irabazi du "Japanese First" leloarekin; alegia, immigrazioaren aurkako diskurtso indartsuarekin, zerga-murrizketen promesekin eta gastu sozial handiagoarekin.
Sohei Kamiya buruzagiak Donald Trump du inspirazio iturri, eta Behe Ganberara zabaltzeko asmoa agertu du. Inflazioak, geldialdi ekonomikoak eta atzerriko biztanleen gorakadak zapuztutako boto-emaileekin konektatzea lortu du Sanseiok. Dagoeneko 3,8 milioi inguru dira.
Zure interesekoa izan daiteke
Israelek 366 palestinar hil ditu su-etena indarrean sartu zenetik
Israelgo armadak palestinarrei tiro egiten jarraitzen du "lerro horia" deituriko mugatik, gehiegi hurbiltzen direla argudiatuz. Herritar gehienek ez dituzte muga horiek ezagutzen.
AEB eta Txina, Hego Pazifikoko uharteak kontrolatzeko lehia bizian. Zergatik?
Ozeano Barea Asia eta Amerika arteko itsaso handi-handia da. Han zehar itsasbideak, urpeko kableak eta era guztietako merkataritza trafikoa daude, etengabe. Horregatik, bide horiek bereganatu nahi dituzten potentziek ezinbestekoa dute ozeano erraldoi horretan dauden irlak kontrolatzea, base logistikoak, eta, kasu askotan, militarrak direlako. Hain zuzen, Estatu Batuek eta Txinak Pazifikoko 14 herrialde horiek kontrolatzeko sokatiran ari dira. Papua Ginea Berria milioi bat biztanle duen uharte bakarra da; txikiena, Niuee izeneko uhartea, ez da 2.000 biztanlera ere iristen. 14 horietatik 11 Txinarekin daude lerratuta. Hiruk baino ez dute Taiwanen subiranotasuna aitortzen. Batzuek, Papua Ginea Berria kasu, Estatu Batuekiko segurtasun akordioei eusten diete, beste batzuek, ordea, Txinarekin defentsa akordioak sinatu dituzte. Horren adibide da Salomon Uhartea. Mikel Reparaz, EITBren nazioarteko burua, han izan da.
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.