Gazako lurraldearen ia % 90 Israelen kontrolpean edo desplazamendu-agindupean dago
Israelgo tankeek Deir al Balah hiriko Al Baraka auzoari eraso egin diote, Armada sionistak Gazako erdialdean hiri horren aurka egiten duen lehen lurreko erasoaldiari ekiteko. Dagoeneko 59.000 pertsona baino gehiago hil dituzte Zerrendan. Igandean, 100 pertsona baino gehiago hil eta 1000 inguru zauritu zituen Israelek.
Gazako Zerrendaren % 87,8 nahitaezko desplazamendu-aginduen mende dago, edo Israelgo Armadaren eremu militarizatu bihurtu da, Gai Humanitarioak Koordinatzeko NBEren Bulegoak (OCHA, ingelesezko sigletan) astelehen honetan ohar baten bidez jakinarazi duenez. "Horrek 2,1 milioi zibil Zerrendaren % 12ko eremu mugatuan harrapatuta uzten ditu, eta funtsezko zerbitzuak kolapsatu egin dira", deitoratu du erakundeak.
Gainera, Israelgo Armadako tankeek Deir al Balah hiriko Al Baraka auzoari eraso egin diote, eta indar armatuek auzoa husteko agindua eman dute, Israelek Gazako erdialdean hiri horren aurka egiten duen lehen lurreko erasoaldiari ekiteko.
Igandean, Israelek Deir al Balahko hego-mendebaldearen aurkako nahitaezko desplazamendu aginduak agindu zituen, oraindik lurreko operaziorik jasan ez zuen inguruan. Beren etxetik alde egin behar izan duten desplazatu askoren babesleku eta nazioarteko hainbat erakunderentzako operazio-gune bihurtu zen gunea.
Erakundeak jakitera eman duenez, 30.000 pertsona inguru daude hiri garrantzitsu horretara babesleku gisa jo zutenak, eta desplazatuentzako bereziki egokitutako 57 gunetan banatzen zirenak.
Ihesean doazenek Al Mawasi hirira (hegoaldera) egiten dute, eta han dagoeneko 425.000 pertsona inguru daude, nahiz eta Israelgo Armadak ia egunero bonbardaketak egiten dituen.
Erabat suntsituta geratzen ari den Gazako Zerrendan 59.000 hildako baino gehiago zenbatu dituzte dagoeneko, Israelek bonbardaketak hasi zituenetik. Igande honetan, ehun pertsona baino gehiago hil dituzte Israelek egindako bonbardaketetan, eta mila pertsona baino gehiago zauritu, Palestinako osasun agintarien arabera.
Bitartean, 25 estatutako Atzerri ministroek eta Europar Batasuneko (EB) komisario batek ohar bateratu bat igorri dute gaur, Israelgo Gobernuari Gazako erasoaldia amaitzea eta laguntza humanitarioaren murrizketak bertan behera uztea eskatzeko, baina estatu sionistaren aurkako inolako neurririk planteatu gabe jarraitzen dute. Israelek berehala errefusatu du agiri bateratu hori.
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.