Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Steve Witkoff, Etxe Zuriaren ordezkaria, eta Vladimir Putin, Errusiako presidentea, Moskun. Argazkia: EFE
AEBk gaur adierazi duenez, Steve Witkoff Etxe Zuriaren ordezkariaren eta Vladimir Putin Errusiako presidentearen arteko bilera "ondo" joan da, baina datorren ostiralean Errusiari bigarren mailako zigorrak ezartzeko asmoari eutsi dio Washingtonek, Ukrainako gerra gelditzeko ultimatumaren epea agortuko baita.
"Errusiaren eta Witkoff ordezkari bereziaren arteko batzarra ondo joan da. Errusiak Ameriketako Estatu Batuekin harremanetan jarraitu nahi du. Bigarren mailako zigorrak ostiralean ezartzekotan gaude", azaldu dio prentsari AEBko Gobernuaren goi-kargudun batek.
Bigarren mailako zigorrak zeharkako neurriak dira, hirugarren estatuei aplikatzen baitzaizkie zigortutako herrialde batekin merkataritzan ez daitezen aritu. Ildo horretan, gaur bertan, Donald Trump AEBko presidenteak agindu bat sinatu du Indiari % 25eko muga-zergak ezartzeko, Errusiako petrolioa erosteagatik, errepresalia gisa.
Truth Social plataforman, Trumpek esan du Putinek eta Witkoffek gaur Moskun egin duten hiru orduko bilera "emankorra" izan dela.
"Steve Witkoff nire ordezkari bereziak bilera emankorra izan berri du Vladimir Putin Errusiako presidentearekin. Aurrerapauso handiak eman dira! Ondoren, Europako aliatu batzuei jakinarazi diet", azaldu du buruzagi errepublikanoak.
Trumpek iragarri zuen Errusiari eta bere bazkide komertzialei zigorrak ezarriko zizkiela Ukrainako gerrari buruzko akordiorik lortu ezean, eta uztailaren 29an 50 egunetik 10 egunera murriztu zuen horretarako epea. Ultimatumaren epea ostiralean amaituko da.
Putin eta Witkoffen arteko bilera urte hasieratik egin duten bosgarrena da —azkena apirilean izan zen—, eta orain arte buruzagi errusiarrak ez du onartu Ukrainan su-etena ezartzeko eskaria.
Trump-Putin bilera, datorren astean
Bestalde, The New York Times egunkariaren arabera, Trump datorren astean Errusiako presidentearekin biltzekoa omen da. Batzar horren ostean, errepublikanoak beste bilera bat egin nahi du, Volodimir Zelenski Ukrainako agintariarekin batera.
Zelenskirekin, Keir Starmer Erresuma Batuko lehen ministroarekin, Friedrich Merz Alemaniako kantzilerrarekin eta Mark Rutte NATOren idazkari nagusiarekin hitz egin du Trumpek gaur.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.