Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Nazio Batuen Erakundea (NBE). Argazkia: Europa Press.
Nazio Batuen Erakundeko Giza Eskubideetarako goi mandatari Volker Turkek Israeli eskatu dio "berehala gelditzeko" Netanyahuk Gaza hiria okupatzeko iragarritako plana, Turken arabera, Nazioarteko Justizia Gortearen irizpenaren aurkako ekintza baita.
Mandatariaren hitzetan, okupazioak 800.000 palestinarren "behartutako desplazamendu masiboa" eragingo luke, baita "hilketa gehiago, sufrimendu jasanezin gehiago, zentzurik gabeko suntsiketa eta krimen lazgarriak" ere.
"Gazako gerrarekin amaitu behar da jada, eta israeldarrek eta palestinarrek elkar hartuta lan egin behar dute, bakean (...) gerra gogortu beharrean, Israelek ahalegin guztiak egin ditzan Gazako zibilen bizitzak salbatzeko eta laguntza humanitarioa mugarik gabe eskuratzeko", adierazi du Turkek.
Volker Turkek bahitu israeldarrak eta Israelek atxilotutako palestinarrak "berehala eta baldintzarik gabe" askatzeko ere eskatu du.
"Hondamendia"
Yair Lapid Israelgo oposizioaren buruaren ustez, "hondamendia" da Israelgo Gobernuak Gaza okupatzea erabaki izana, eta Israelgo Armadako eta segurtasun alorreko kideen iritziaren kontra doala adierazi du.
Horren arabera, okupazioak "hilabeteak beharko ditu" eta "bahituen eta soldadu askoren heriotza ekarriko du". Horrek guztiak, Lapiden esanetan, "kolapso politikoa eramango du" herrialdera.
Gainera, Armadako eta segurtasun alorreko kideak "erabat kontra" daudela ziurtatu du.
"Hau da Hamasek nahi zuena: Israel helbururik gabeko lurralde batean harrapatuta geratzea, hurrengo egunerako panorama zehaztu gabe, nora daraman inork ulertzen ez duen alferrikako okupazio batean", esan du Lapidek X sare sozialean.
Nazioarteari buruzko albiste gehiago
Gutxienez 200 pertsona atxilotu dituzte Londresen, Palestine Action taldearen aldeko manifestazio batean
Palestine Action taldea legez "erakunde terrorista" gisa sailkatuta dago Erresuma Batuan uztailetik, bertako aireko armadaren base militar batean bi hegazkin bandalizatu ondoren.
Nagasakik minutu bateko isilunearekin gogoratu ditu bonba atomikoaren biktimak, 80 urte geroago
Minutu bateko isilunea egin dute Nagasakin, AEBk bonba nuklearra jaurti zuenetik 80 urte bete direla gogora ekartzeko. 74.000 hildako utzi zituen, Hiroshiman 140.000 pertsona hil eta hiru egunera. Agintari nipondarrek eta bizirik atera zirenek izugarrikerietatik ikasteko eta 1945eko abuztuaren 9ko oroitzapen tragikoa gogoan izateko eskatu dute.
Kiev aintzat izan gabe hartutako erabakiak jaiotzerako "hilda" daudela esan du Zelenskik
Trumpek eta Putinek Ukrainako gerraren amaierari buruz hitz egiteko iragarritako goi-bileran egotea eskatu du Zelenskik, baita Europaren parte-hartzea ere.
Trump eta Putin abuztuaren 15ean bilduko dira, Alaskan, Ukrainako gerrari buruz hitz egiteko
Oraindik ez dago argi Volodimir Zelenski Ukrainako presidenteak ordezkaritzarik izango ote duen akordio bat lortzen saiatzeko hitzordu honetan. Datozen orduetan xehetasun gehiago emango dituztela iradoki du AEBko presidenteak.
Mendi bat erditik moztu dute Txinan 600 metroko altueran dagoen autobide bat eraikitzeko
Guizhou probintzian, ingeniariek mendia zatitu dute autobide moderno bat eraikitzeko. Lehergaiak eta zulatzeko teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.