Gutxienez 200 pertsona atxilotu dituzte Londresen, Palestine Action taldearen aldeko manifestazio batean
Palestine Action taldea legez "erakunde terrorista" gisa sailkatuta dago Erresuma Batuan uztailetik, bertako aireko armadaren base militar batean bi hegazkin bandalizatu ondoren.
Manifestazioa Parlamentuaren aurrean, Palestine Actionen alde. Argazkia: EFE
Poliziak gutxienez 200 pertsona atxilotu ditu larunbat honetan Londresen, Parlamentuaren plazan, Palestine Action erakundearen alde egindako manifestazio jendetsu batean. Gobernu laboristak berriki legez kanpo utzi zuen talde hori, ekintza disruptibo eta bortitzak egitea leporatuta.
"Erresuma Batuko 15:40an (14:40 GMT), 200 pertsona atxilotu dituzte debekatutako erakunde bati babesa adierazteagatik, baina atxilotu gehiago egon daitezke", zabaldu du Poliziak. Horiez gain, lau pertsona atxilotu dituzte poliziei eraso egitea egotzita.
Uztailaz geroztik, Erresuma Batuan legez "erakunde terrorista" gisa sailkatuta dago Palestine Action, Erresuma Batuko Aireko Armadaren base militar batean bi hegazkin bandalizatzea leporatuta, baita Israelgo Elbit Systems defentsa enpresaren Bristolgo (Ingalaterrako hego-mendebaldea) egoitzaren sarrera blokeatzea egotzita ere.
Debeku horren ondorioz, Palestinaren aldeko taldeko kide izatea edo talde horri babesa ematea zigor delitu gisa tipifikatuta dago orain, eta 14 urterainoko kartzela-zigorra ekar dezake, 2000. urteko Terrorismoaren Legearen arabera.
Dena dela, 500 eta 600 pertsona inguru bildu dira Parlamentuaren aurrean, Defend Our Juries elkarteak deituta, honako mezu hauekin: "Genozidioaren aurka nago. Babesa adierazten diot Palestine Actioni".
Pertsona horiek guztiak barrutiko prozesamendu-guneetara eraman dituzte, eta beren nortasuna baieztatu dutenak aske utzi dituzte, fidantzarekin, Palestine Actionen aldeko protestetan berriro ez parte hartzeko baldintzarekin. Horri uko egin diotenak, aldiz, polizia-bulegoetara eraman dituzte, Londresen bertan.
Poliziak segurtasun-dispositiboa indartu du gaur Londresen, Erresuma Batuko beste hiri batzuetatik joandako agenteekin, Erresuma Batuko hiriburuan hainbat protesta deitu baitituzte astebururako. Besteak beste, Palestine Actionen aldeko beste manifestazio jendetsu batzuetan izandako istiluak izan dituzte kontuan.
Parlamentu aurreko plazan protesta izateaz gain, Palestinako Martxa Nazionala abiatu da Russell plazatik Downing Streeterantz, bertan baitago Keir Starmer Erresuma Batuko lehen ministroaren egoitza ofiziala.
Martxa baketsua izan da, eta pertsona bakar bat atxilotu dute, Palestine Actionen aldeko kartel bat erakustea leporatuta.
Gainerako parte-hartzaileek Londres erdialdeko kale nagusiak zeharkatu dituzte, Palestinako banderak eta Gazako gosetearen amaiera eskatzen zuten pankartak zeramatzatela. Besteak beste, Erresuma Batua Israelek Gazako Zerrendan egindako "genozidioaren konplize" dela salatu dute, eta haurren aurka bonbak jaurtitzea ez dela bidezkoa azpimarratu dute.
Israelgo Gobernuaren segurtasun kabineteak Gaza Hiria kontrolpean hartzeko operazio militar bati argi berdea eman ostean deitu dituzte protesta horiek. Erabaki hori gogor kritikatu dute nazioarteko hainbat buruzagik.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.