Larunbat haizetsuak igande itogarriari egingo dio leku
Euskalmetek abisu horia ezarri du ostiral honetan bertan hasita, muturreko tenperatura oso altuak tarteko. Larunbatean, tenperatura leunagoak izango dira, ipar-mendebaldeko haizeari esker.
Ekilore soro bat. Recorriendo Vitoria erabiltzaileak bidalitako argazkia.
Beroak nagusi izaten jarraituko du, aurreko egunetan bezala, aste amaieran ere. Euskalmeten iragarpenaren arabera, tenperaturek nabarmen egingo dute gora ostiraletik aurrera, eta ildo beretik jarraituko dute ia asteburu osoan zehar.
Larunbatean, tenperaturak behera egingo du apur bat, baina balio altuetan geratuko da edonola ere. Ipar-mendebaldeko haizea ibiliko da eguerditik aurrera, eta beroa apur bat arinduko du horrek, bereziki ipar partean. Donostian, esaterako, termometroak ez du 25 ºC-en langa gaindituko, aurreikuspenen arabera. Gainera, arratsaldean eta gauean behe-hodeiak ager daitezke. Gainerakoan, zerua hodei gutxirekin egongo da, eta tenperaturak behera egingo du, baina bero egiten jarraituko du.
Igandean, termometroek larunbatean galdutakoa irabaziko dute. Beroenak 35 ºC-tik gorakoak izango dira barnealdeko hainbat tokitan, eta 30 ºC-ko langa gaindituko dute kostaldetik gertu ere. Maximoek 37-38 ºC-ak gainditu ditzakete hegoaldean; Araban eta Nafarroan neurtuko dira baliorik altuenak. Zerua hodei gutxirekin egongo da, goizaldean behe-hodei batzuk izango dira iparraldean, eta arratsaldean bero-hodeiak garatuko dira hegoaldean. Hegoaldeko haizea ibiliko da goizean, eta ipar-ekialdetik finkatzen joango da arratsaldean.
Euskalmetek abisu horia ezarri du ostiral honetan bertan hasita, muturreko tenperatura oso altuak tarteko.
Zure interesekoa izan daiteke
Euria eta ekaitzak, astea hasteko
Iparraldeko haizea ibiliko da, eta, ondorioz, tenperatura maximoek nekez gaindituko dituzte 15 graduak.
Abisu horiak Euskal Herri osoan zaparrada trumoitsuengatik
Zaparradak espero dira, batez ere arratsaldetik aurrera, toki batzuetan haize bolada gogorrekin eta kazkabarrarekin.
Goiz argitsua eta arratsalde euritsua maiatza abiatzeko
Abisu horia egongo da indarrean ostiral arratsaldeko 17:00etatik 22:00etara, prezipitazio handiengatik, baita bihar 14:00etatik 22:00etara ere. Ezegonkortasuna izango da nagusi maiatzeko lehen asteburuan, eguzki tarteak eta zaparradak nahasiko dira, eta haizea aldakor ibiliko da. Tenperaturek, hala ere, epel jarraituko dute.
Abisu horia Araban euriteengatik, San Prudentzio bezperako Erretretan
Segurtasun Sailak 15:00etatik 21:00etara aktibatu du abisua, Gasteizko jaietako ekitaldien hasierarekin bat eginez. Euskalmetek ordubetean metro koadroko 15 litro baino gehiago bota ditzakeela aurreikusi du.
Hodeitsu bukatuko da apirila, zaparradekin tarteka eta 20 gradu inguruko tenperaturekin
Goibel itxura dakar astelehenak, baita astearteak ere. Halere, oso aldakor dator eguraldia.
Zergatik da garrantzitsua zientzialarientzat eklipseak aztertzea?
Eguzki eklipse osoak ez dira asko izaten. Abuztuaren 12koa igaro ondoren, hurrengoa 2180. urtean izango da. Hori dela eta, zientzialarientzat une hori oso garrantzitsua izan ohi da. Ateratako irudiekin hainbat ikerketa egiten dituzte urteetan zehar. Horren adibide, 1860an, Erresuma Batuko astronomo bat Euskal Herrira etorri zen, orduan izan zen eklipse bati argazkiak ateratzeko.
Udaberriko eguraldia astebururako, baina hodeiak ugaritu eta tenperaturak jaitsi egingo dira
Larunbatean, maximoak 20º ingurukoak izango dira Bilbon eta Donostian, eta 23º ingurukoak Iruñean eta Gasteizen.
Udaberriko giroa nagusi izango da astearen amaieran, baina euria egingo du, eta maximoek, behera
Ostegun honetan, maximoak 30°C ingurukoak izango dira, eta ostiralean, 23°C ingurukoak.
Eguraldi egonkorra eta tenperatura epelak, 25 gradura arteko maximoekin
Ipar partean epelenak 8-10 gradu artean jaitsiko dira, 20-23 graduraino.
Eguzki goria goizean eta trumoi-zaparrada arratsaldean, euriagatiko abisu hori eta guzti
Egunaren lehen zatian tenperatura maximoak 30 graduraino iritsiko dira, hego haizeak bultzatuta. Hala ere, arratsaldetik aurrera bero-hodeiak garatuko dira eta litekeena da, tokian-tokian, ekaitza lehertu eta zaparrada batzuk botatzea. Segurtasun Sailak euriagatiko abisu horia ezarriko du 18:00etan, zaparrada mardulengatik, ordubetean 15 litrotik gora pilatuko direla aurreikusi baita.