Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Friedrich Merz Alemaniako kantzilerrak gaur iragarri duenez, "oraingoz" bertan behera utziko du Israelek "Gazako Zerrendan erabil ditzakeen armen esportazioa", Benjamin Netanyahuren gobernuak ostegunean Gaza Hiria okupatzeko egitasmo militarra onartu ostean.
Merzek ohar baten bidez azaldu duenaren arabera, plan horrek ez du azaltzen Israelek nola lortu nahi duen Hamas desarmatzea, gatibu israeldarrak askatzea eta su-eten baterako negoziazioak azkar abiatzea.
"Egungo egoera kontuan izanda, Alemaniako Gobernuak ez du onartuko Gazako Zerrendan erabil daitekeen material militarraren esportaziorik", nabarmendu du Merzek. Alemanian aurrekaririk ez duen erabakia da.
Kantziler kontserbadorearen esanetan, Israelek "Hamasen terrorismoaren aurka defendatzeko eskubidea du", baina "kezka sakona" agertu du Gazako herritarren sufrimenduagatik.
"Planifikatutako erasoaldiarekin, orain arte baino erantzukizun handiagoa du Israelgo Gobernuak zibilak hornitzeko", azpimarratu du Merzek, baina ez du esplizituki gaitzetsi milioi bat biztanle dituen hiria kontrolatzeko asmoa.
Israelek laguntza humanitarioari eta NBEko eta gobernuz kanpoko erakundeei Zerrendan sartzen utzi behar diela nabarmendu du, eta laguntza humanitarioa banatzeko modua hobetu behar duela esan du, "azken egunetan norabide egokian pausoak eman arren".
Gainera, "Zisjordania anexionatzeko urrats gehiago ez emateko" eskatu dio Merzek Israelgo Gobernuari.
Aurtengo maiatzean agintera iritsi zenetik, gero eta presio handiagoa jasan du Merzek, bai Alemanian, bai atzerrian, Israelekiko jarrera gogortzeko.
Herbehereak
Bestalde, Herbehereetako Gobernuak atzera bota ditu Israelera ontzi militarren piezak esportatzeko emandako hiru lizentzia, "nahi ez den erabilera emateko arriskuagatik" eta Gazan "egoerak okerrera egin duelako". Hala ere, Palestinako eta Herbehereetako hamar erakundek zalantzan jarri dute armak edo horien osagaiak nola eta non erabiliko diren behar bezala egiaztatzeko Gobernuaren gaitasuna.
NOS kate publikoak egindako galderei erantzunez, Herbehereetako Kanpo Arazoetako Ministerioak adierazi du 2023ko urriaren 7tik zortzi esportazio-lizentzia eman dituela Israelen azken helmuga duen material militarrerako. Orain atzera bota dituen hiru lizentziez gain, Israelgo Burdinazko Kupula (Iron Dome) sistemaren piezetarako emandako baimenak ere badaude.
Joan den astean Parlamentuari bidalitako gutun batean, 2023ko urritik material militarra eta erabilera bikoitzeko ondasunak esportatzeko 11 baimen eskaera atzera bota dituela adierazi zuen Herbehereetako Gobernuak.
Herbehereek dagoeneko debekatuta dute F-35 ehiza-hegazkinen osagaiak zuzenean Israelera esportatzea, erabaki judizial baten ondorioz, Gazan horiek giza eskubideak urratzeko erabil daitezkeelako.
Norvegia
Gainera, Norvegiako inbertsio funts subiranoak datorren astean iragarriko ditu aldaketak Israelgo inbertsioetan, Jens Stoltenberg Finantza ministroak gaur iragarri duenez. Gobernuak asteartean iragarri zuen funtsaren inbertsioen premiazko berrikuspena abiatuko duela, "kezka etikoak" direla eta. Ez du zehaztu zeintzuk izan daitezkeen neurri horiek, baina gaineratu du ez litzatekeela desinbertsio orokorrik egingo Israelgo enpresa guztietan.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.