EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Costa, Zelenski eta Von der Leyen. Argazkia: EFE
Europar Batasuneko kide diren 27 herrialdeetatik 26etako gobernuek (Hungaria kenduta, guztiek) sinatu dute Donald Trump AEBko presidentearen bake ekimena babesten duen mezua, baina ohartarazi dute ukrainarrak direla "norako propioa aukeratzeko eskubidea" dutenak eta Errusiaren aurkako zigorrak aldarrikatzen dituztenak.
Europako Kontseiluko buruzagi gehienek "bake justu eta iraunkor" baten alde egin dute oharrean, etorkizuneko edozein akordiok "independentzia, subiranotasun eta lurralde-osotasunaren printzipioak" errespetatu behar dituela eta "nazioarteko mugak indarren bidez ezin direla aldatu" premisa kontuan hartuta, errusiarren inbasioari aipamen argia eginez.
Joan den astean, Trumpek esan zuen bi aldeen artean lurralde trukea egiteko aukera zegoela, Vladimir Putin Errusiako presidentearekin bilera bat egiteko bezperan. Europako buruzagiek ez dute bilera hori zuzenean aipatu astearte honetan zabaldutako komunikatuan.
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela ildo horretan edozein aurrerapauso egiteko.
Ukrainarentzat helmuga politiko argienetako bat Europar Batasunean integratzea da, eta 26 gobernu sinatzaileek azpimarratu dute herrialdea "babesten" jarraituko dutela, nahiz eta azken hilabeteetan Viktor Orban Hungariako lehen ministroak mesfidantzak agertu dituen, uste baitu atxikimenduak blokearen egonkortasuna arriskuan jarriko lukeela.
Ordura arte, EBk "babes politikoa, finantzarioa, ekonomikoa, humanitarioa eta diplomatikoa ematen jarraituko du", Ukrainak "bere burua defendatzeko eskubidea" erabil dezan erasoaren aurrean, "Errusiako Federazioaren aurkako neurri murriztaileak betetzen eta ezartzen jarraituko duen bezala".
"Bere kabuz modu eraginkorrean defendatzeko gai den Ukraina etorkizuneko segurtasun-zirriborroen zati integral bat da", nabarmendu dute Europako buruzagiek, eremu horretan estatu kide "batzuek" har ditzaketen politikak onartuz eta "errespetatuz".
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.