Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
Hamaseko miliziano baten artxiboko irudia. Argazkia: Europa Press
Hamas talde islamistak astelehen honetan baieztatu duenez, Gazako Zerrendan su-eten proposamen bat onartu du, baina ez du xehetasunik eman baldintzen inguruan, eta Israelek, oraingoz, ez du horren inguruko adierazpenik egin.
"Hamasek eta fakzio palestinarrek iragarri dute onartu egingo dutela Egiptoko eta Qatarreko bitartekariek atzo aurkeztutako proposamena", esan du talde palestinarrak ohar labur batean.
Israelgo komunikabideek eta zenbait hedabide arabiarrek milizia islamistak akordio partzial bat sinatzeari oniritzia eman diola esan ostean iritsi da mezua. Akordio horrekin, bahitu batzuk askatu eta soldadu israeldarrak kokagunearen iparraldetik eta ekialdetik erretiratzea bilatzen dute.
Astelehenean, Egiptoko iturri batek EFEri esan dionez, Hamasek oniritzia eman dio su-etenaren azken proposamenari, Egiptoko eta Qatarreko bitartekariek Egipton dauden ordezkaritzako buruzagiekin bilera egin ostean.
Planak barne hartzen du Gazako Zerrendan taldearen jarduera militarrak izoztea, 60 eguneko su-etena, Hamasek 10 bahitu israeldar askatzearen eta gazatarrei laguntza masiboa ematearen truke.
"Proposamenak dio Israelek laguntza humanitarioko kamioiak modu seguruan igarotzea ahalbidetuko duela, baita Israelgo Armada joan den martxoaren 2an su-eten akordioak porrot egin ondoren sartu zen eremu batzuetatik erretiratzea ere", gaineratu du iturriak, baina ez du zehaztu Israelek bahitu israeldarren truke askatuko lituzkeen preso palestinarren kopururik.
Albistearen berri izan ostean, Israel Katz Israelgo Defentsa ministroak adierazi du Hamas negoziazio mahaira itzultzeko prest egotearen arrazoi bakarra dela Israelek Gaza konkistatzeko mehatxua. Benjamin Netanyahu lehen ministroak, berriz, islamistek "presio izugarria" jasan dutela azpimarratu du.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".