Zisjordanian asentamendu gehiago ezartzeko plana onartu du Israelek, Estatu palestinarraren “iruzurra ezabatzeko”
Palestinako Agintaritzak Nazioarteko Zuzenbidearen beste urraketa bat salatu du, eta zigorrak eta nazioarteko esku-hartzea eskatu ditu.
Bi israeldarren artxiboko irudia, Zisjordaniako asentamendu batera begira. Argazkia: EFE
Israelgo Defentsa Ministerioak behin betiko oniritzia eman dio asteazken honetan Zisjordaniako asentamendu plan eztabaidagarri bati. Plan horrek 3.400 etxebizitza eraikitzea eta Jerusalem ekialdetik zatikatzea aurreikusten du, eta asmoa da bi estaturen irtenbidearen "engainua" desagerraraztea, Bezalel Smotrich Finantza ministroaren hitzetan.
"Estatu palestinarra mahaitik ezabatzen ari gara, ez leloekin, ekintzekin baizik. Asentamendu bakoitza, auzo bakoitza, etxebizitza bakoitza beste iltze bat da ideia arriskutsu horren hilkutxan", ospatu du Smotrichek, dagoeneko ultraeskuindarra den Israelgo gobernu baten sektore atzerakoienetako baten parte denak.
Hirigintza plana polemikoa da, 12 kilometro koadro inguru hartuko ditu eta Jerusalem ekialdea Maale Adumim asentamenduarekin lotuko du. Gainera, datozen urteetan Tzipor Midbar auzoa handitu eta 35.000 biztanle berri izatera iristea da asmoa.
Egitasmoak Zisjordania bitan banatuko luke, bata iparraldean eta bestea hegoaldean, eta ia ezinezkoa izango litzateke Estatu palestinar konektatu bat sortzea, Smotrichek berak duela astebete plana aurkeztu zuenean iragarri zuen bezala.
Plan horrek Estatu palestinar baten etorkizuneko bideragarritasuna larriki mehatxatzen duela uste dute nazioarteko hainbat erakundek, Israelgo asentamenduen hedapenaren aurkako kanpaina egiten aritu direnek.
"Gerraren aitzakian, Smotrich eta bere lagun mesianikoen gutxiengoa edozein akordiotan hustu beharko dugun eldarniozko asentamendu bat ezartzen ari dira", salatu du Peace Now erakundeak, eta Israelen segurtasunez bizitzeko modu bakarra "bi estatuen esparruan" dagoela nabarmendu du.
Palestinako Agintaritzaren gaitzespena
Bestalde, Palestinako Agintaritzak salatu duenez, Israelgo "okupazio-agintarien" maniobra berri horrek praktika horiek debekatzen dituen Nazioarteko Zuzenbidea urratzen du. Gainera, Israel gaitzetsi duten eta plan horiekin aurrera ez jarraitzeko ohartarazi duten munduko herrialde guztiei "erronka" egiten diela ohartarazi du.
Nabil abu Rudeina Agintaritzako bozeramaileak dei egin dio AEBri "berehala esku hartzeko" eta Israelen aurkako ekintza hau eta beste batzuk geldiarazteko, "eskualde osoan leherketa" eragingo baitute.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".