Atzera egin eta bonbardaketak gelditzeko eskatu dio Hamasek Israeli, Gazan dauden bi bahitu askatu ahal izateko
66.000 pertsona baino gehiago hil ditu jada Israelek Gazan, hondakinen artean jarraitzen duten milaka gorpuak kontuan hartu gabe. Erreskatistek salatu dute Israelgo Armadak ez diela euren lana egiten uzten.
Hainbat palestinar, bonbardatutako eraikin baten aurrean. Argazkia: Europa Press
Al Qasam Brigadek, Hamasen talde armatuak, Gaza hiriko gune batean atzera egiteko eta 24 orduz bonbardaketak gelditzeko eskatu diote Israelgo Armadari, bertan gatibu dituzten bi bahitu israeldar askatzen saiatzeko.
Al Qasam Brigadek zabaldutakoaren arabera, Omri Miran eta Matan Angrest bahituekiko komunikazioa eten egin da, Israelek Gaza hiriko Sabra eta Tal al Hawa auzoetan egin dituen erasoen ostean. "Bi presoen bizitza arriskuan dago", adierazi dute.
"Okupazio indarrek 8. kalearen hegoaldera itzuli behar dute berehala, eta 24 orduz aire bidezko irteerak eten, 18:00etatik aurrera, gatibuak ateratzen saia gaitezen. Abisatuta zaudete", ohartarazi dute.
Iragan apirilean, 28 urteko Omri Miranen bideo bat argitaratu zuen Hamasek bizirik zegoela erakusteko. Lurpeko tunel baten irudiekin abiatu zen grabazioa, gatibua zegoen gelara iritsi arte.
Miran Nahal Oz kibbutzeko bere etxean bahitu zuen Hamasek 2023ko urriaren 7an.
Beste gatibua, 22 urteko Matan Angrest, ere, Nahal Ozen bahitu zuten.
Kalkuluen arabera, 48 bahituk jarraitzen dute Gazako Zerrendan, eta, ustez, horietatik 20 bakarrik daude bizirik.
Israelek jada 66.000 pertsona baino gehiago hil ditu Gazan
Bestalde, igande honetan zabaldu dituzten azken datuen arabera, gutxienez 66.005 palestinar hil ditu Israelgo Armadak Gazan 2023ko urriaren 7an hasitako erasoaldian.
Zenbaki horrek ez ditu jasotzen hondakinen artean jarraitzen duten milaka gorpuak, ezta igande honetan bertan hildakoen kopuruak ere.
Hain zuzen ere, gaur Gazako Defentsa Zibileko Larrialdi Zerbitzuak salatu duenez, Israelgo Armadak lan egin ahal izatea eragotzi die "nahita", erregaia sartzea ukatuz; izan ere, erregaia beharrezkoa da ibilgailuek eta suteak itzaltzeko ekipoek funtziona dezaten.
Defentsa Zibilak ohartarazi duenez, Israelgo Armadak "erregai kantitate txikiak emateari ere egin dio uko", eta, hori dela eta, zerbitzua murriztu behar izan dute.
Gazako Defentsa Zibila Barne Ministerioaren mendeko larrialdi zerbitzu nagusia da, eta Israelgo Armadaren erasoen ondoren hondakinen artean geratzen diren zaurituak eta hildakoak erreskatatzeaz arduratzen da.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.