Hamasek Trumpen Gazarako plana aztertzen jarraitzen du, baina Israelek erabat beteko duela bermatzea eskatu du
Negoziazioen berri duten iturrien arabera, Palestinako mugimenduak bermeak eskatzen dizkie bitartekariei; Israelek su-etena urratuko ez duela eta Gazatik aterako dela ziurtatu nahi du.
Trumpen plana eztabaidatzen ari diren bitartean, Israelek Gaza erasotzen jarraitzen du. Argazkia: EFE.
Gazako zerrendan behin betiko su-etena ezartzeko Donald Trumpek proposatu duen plana aztertzen jarraitzen du Palestinako Hamas taldeak. "Bizpahiru egunetan" erantzuna ematea espero dute, baina taldeko iturriek adierazi dutenez, hainbat zalantza sortu zaizkie, eta Israelek akordioko puntu guztiak beteko dituenaren nazioarteko bermeak izan nahi dituzte. Negoziazioetan parte hartzen ari diren iturrien arabera, elkarrizketak etengabeak izaten ari dira Gazan dauden Hamaseko kideen, Gazatik kanpora dauden taldekideen eta bitartekarien artean, planaren hainbat puntuk desadostasunak sortzen dituztelako.
Iturri horiek adierazi dutenez, Hamasek bitartekariei jakinarazi die "beharrezkoa dela Israelek Gaza utziko duela eta su-etena urratuko ez duela bermatzea". Taldeak duen kezka nagusia da Israelek ez duela bermatzen Trumpen plana osorik ezarriko denik eta bere tropak Palestinako lurretatik erretiratuko dituenik. Horrez gainera, iturrien hitzetan, Hamasek ez du onartuko "Gazako okupazioari zilegitasuna ematerik eta erresistentzia kriminalizatzerik".
Taldeko buruzagi guztiek partekatzen dituzten zalantzaz gain, iturriek arabera, Gazatik kanpo dauden taldeko ordezkarien artean bi jarrera daude. Batzuk prest daude plana babesteko, eta "su-etenaren eta nazioarteko bitartekariek Israelen hori beteko duela bermatzearen" alde egiten dute. Beste batzuk, ordea, ez daude Hamasen erabateko desarmearekin ados, ezta, segurtasunerako neurririk gabe, taldekideak erbesteratzearekin ere. Horrez gainera, amnistia beteko denaren bermeak faltan botatzen dituzte.
Joan den astelehenetik, hainbat bilera egin dira Dohan, Qatarreko hiriburuan. Horietan parte hartu dute, Hamaseko kideez gain, Qatarreko eta Egiptoko bitartekariek eta baita Turkiako ordezkariek ere.
Donald Trumpek "hiruzpalau egun" eman dizkio Hamasi erantzuteko, eta Benjamin Netanyahu Israelgo lehen ministroaren babesa duela esan du.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.