Bahituen eta preso palestinarren zerrendak trukatu dituzte Gazako su-eten planaren elkarrizketetan
Hamasek iragarri du elkartrukea elkarrizketen hirugarren egunean. AEBko Ekialde Ertainerako ordezkaria, Steve Witkoff, eta Trumpen suhia, Jared Kushner, Egiptora iritsi dira negoziazioetan parte hartzeko. Hurrengo orduetan Jihad Islamikoaren eta Palestina Askatzeko Herri Frontearen ordezkariak espero dituzte.
Gazako Zerrendako iparraldeko palestinarrak hegoaldera ihes egin dute operazio militarraren erdian. Argazkia: Europa Press.
Israelgo eta Hamaseko ordezkaritzak Gazan su-etena lortzea helburu duten negoziazioen hirugarren egunean murgilduta daude. Talde islamistak iragarri duenez, akordio batera iritsiz gero askatuko lituzketen preso palestinar eta bahituen izenak dituzten zerrendak trukatu dituzte.
Egiptoko Sharm el Sheij hirian ari dira egiten Donald Trump AEBko presidenteak aurkeztutako proposamenaren inguruko negoziazioak. Israelgo eta Hamaseko ordezkariez gainera, Egiptoko, Qatarreko, Turkiako eta Ameriketako Estatu Batuetako (AEB) goi-ordezkariak ere ari dira parte hartzen bitartekari gisa. Elkarrizketen hirugarren egunean, Steve Witkoff, AEBk Ekialde Hurbilerako duen ordezkaria, eta Donald Trumpen suhia, Jared Kushner, negoziazioetara batu dira.
Datozen orduetan, gainera, Jihad Islamikoaren eta Palestina Askatzeko Herri Frontearen fakzio palestinarren ordezkaritzak iritsiko dira. Anonimatua mantentzea eskatu duten elkarrizketen gertuko iturrien arabera, Hamasek bi fakzio palestinar horiek sartzea eskatu du.
Hirugarren egun honetan, presoen eta bahituen askatasuna izan dute hizpide. Taher Al Nounou Hamaseko goi funtzionarioak adierazi duenez, gaur goizean "trukatuko lituzketen presoen zerrenda entregatu dute, adostutako irizpide eta zifrak errespetatuz". Era berean, "alde guztiak baikortasun espirituz” ari direla lanean aipatu du eta Hamasen ordezkaritzak "aurrerapausoak lortzeko eta akordioa betetzeko erantzukizuna” erakutsi duela azpimarratu du.
Al Nounouren hitzetan, "bitartekariak ahalegin handiak egiten ari dira su-etenaren aplikazioari oztopoak kentzeko". "Negoziazioak gerraren amaieran, okupazio indarrak Gazatik irtetean eta presoen trukea ezartzeko mekanismoetan” oinarritzen direla gehitu du.
Hala ere, Qatarreko ordezkariek baikortasuna apur bat murriztu dute. Mayed Al Ansari Atzerri Ministerioko bozeramaileak esan du “oraindik xehetasun asko zehaztea” falta dela.
Zure interesekoa izan daiteke
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.