Txina Europatik gero eta gertuago, Artikoko bideari esker
Txinako 'Istanbul Bridge' zamaontziak Artikoan barrena lehen bidaia komertziala egin berri du Europara iritsi ahal izateko. Zetaren bide berria ere deitu diotenari esker, Asiako erraldoiaren eta Europaren arteko nabigazio denbora heren bat baino gehiago murriztuko da ohiko bidearekin alderatuta (Suezko kanala), eta horrek aukera berriak irekiko dizkie Txinako AliExpress, Shein eta Temu erraldoiei, besteak beste.
Zetaren bidea Artikotik. EITB
Zetaren bide berriaren bila aritu da Txina aspalditik, eta ametsa betetzetik gero eta gertuago dago. Artikoa zeharkatuko duen iparraldeko bideak aukera emango dio nabigazio denborak eta kostuak nabarmen murrizteko. Gaur-gaurkoz, zamaontziek gutxi-asko 28-30 egun behar dituzte Suezko kanaletik barrena Europara heltzeko, eta bide berriari esker 18-20 egun nahikoak izango dira.
Iparraldeko bideak aukera berriak irekiko dizkie Txinako AliExpress, Shein eta Temu erraldoiei, besteak beste.
Txinako 'Istanbul Bridge' zamaontziak Artikoan barrena lehen bidaia komertziala egin du, Europara iritsi ahal izateko. Pasa den urriaren 19an iritsi zen ontzia Poloniako Gdansk portura, eta inaguruatu egin du China-Europe Arctic Express Route izenarekin bataiatu duten Europaren eta Ozeano Artikoaren arteko merkataritza bide berria.
Zamaontzia pasa den irailaren 23an atera zen Txinatik, eta bidean geldialdiak egin ditu Erresuma Batuan (Felixstowe) eta Alemanian (Hanburgo), Gdanskeko (Polonia) portura heldu aurretik.
Sea Legend Shipping itsas garraioaz arduratzen den Txinako enpresak Global Times egunkariari azaldu dionez, denborari dagokionez abantaila handiak ematen ditu bide berriak. Gaineratu duenez, bidaiak 2026an hasiko dira, astean behin edo hamabostean behin, nabigagarria den tartean.
Gainera, konpainiak etorkizunean urte osoan zehar erabili nahi du bide hori.
Enpresaren arabera, Artikoa zeharkatzeak karbono isuriak % 30 inguru murriztu ditzake, Suezko kanala erabiltzen denetan botatzen denarekin alderatuta.
2023an, Txinako beste ontzi batek, 'NewNew Shipping'ek, antzeko bidaia pilotu bat egin zuen iparraldeko bidetik (NSR, ingelesez) Errusiaren laguntzarekin.
Zure interesekoa izan daiteke
Trumpek urtebete baino ez du behar izan Estatu Batuak eta munduko ordena aldatzeko
Donald Trumpen gobernu pertsonalistak AEBko demokraziaren zutabeak dardarka jarri dituela diote aditu batzuek. Juanma Benitez Columbiako Unibertsitateko irakasleak eta Brett Bruen Barack Obamaren aholkulari ohiak Donald Trumpen agintaldiko urte honen balorazioa egin dute EITBrentzat.
Muga-zergak eta interbentzionismoa, Trumpen atzerri politikaren gakoak
Protekzionismo ekonomikoa eta beste potentziekiko merkataritza gerrak izan dira protagonista Trumpen bigarren agintaldiaren lehen urtean. Mikel Reparaz EITBren nazioarteko buruak Donald Trumpen kanpo politikaren gakoak aletu ditu, Etxe Zurira iritsi zela urtebete bete den honetan.
Trumpek Groenlandiari buruzko erasoa areagotu du, adimen artifizialak egindako irudiak erabilita, Davosera iritsi aurretik
"Davos interesgarri oso izango da", aurreratu du presidenteak, bere hitzen eta keinuen aurrean ikusminak markatutako goi-bileran.
Israel UNRWAk Jerusalem ekialdean dituen eraikinak suntsitzen hasi da
Israelgo Atzerri Ministerioak erasoa justifikatu du "Israelgo Estatua Jerusalemgo Unrwa konplexuaren jabea" dela esanda. Jonathan Fowler UNRWAren bozeramaileak, bere aldetik, azpimarratu du eraikin multzo hori "Nazio Batuen egoitza" dela.
Sarekadak, deportazioak, inflazioa, langabezia... Horrela aldarazi du Trumpek AEB, urtebetean
AEBko gizartea polarizatuta zegoen duela urtebete, baina arrakala hori are gehiago zabaldu da azken 12 hilabete hauetan. Mikel Reparaz EITBren nazioarteko buruak Trump Etxe Zurira iritsi zenetik AEBko barne politikaren aldaketaren gakoak aletu ditu.
Kieveko zati bat argi, ur eta berokuntzarik gabe geratu da, -12 gradu direla, Errusiak abiatutako eraso zabal baten ondorioz
Gaur goizaldekoa Errusiak Kieveko energia-azpiegituraren aurka egindako hirugarren eraso handia da, urtarrilaren 9az geroztik. Izan ere, misilekin eta droneekin egindako beste bonbardaketa batek ia hiru egunez argirik eta berkuntzarik gabe utzi zuen hiriaren zati handi bat, gaur arte jarraitzen duen hotz-bolada hasi zenetik.
Trumpen "praktika autoritarioek" giza eskubideen "higadura" eragin dutela ohartarazi du Amnistia Internazionalak
Donald Trump Etxe Zurira bigarrenez iritsi zenetik urtebete betetzen den honetan, txosten bat argitaratu du gobernuz kanpoko erakundeak. Dokumentu horretan jasotzen denez, gizarte askeen oinarriak "ahultzen" ari dira, eta horren adibide jarri ditu adierazpen askatasunaren, oposizioaren eta oro har kritiko direnen kolektiboen aurkako erasoak.
Danimarkak eta Groenlandiak NATOk uhartean misio bat egitea eskatu diote Mark Rutteri
Bruselan egindako bileraren ostean, Danimarkako Defentsa ministroak adierazi du AEBk Groenlandia bereganatzeko duen asmoaren ondorioz herrialdeak are beharrezkoagotzat jo duela eskualdearen Defentsan inbertitzea.
Kanpainan agindutakoa betetzen ari da Trump, baina bizimoduaren kostua murriztea kostatzen ari zaio
Donald Trump boterera itzuli zenetik urtebete betetzen den honetan, EITBk Pennsylvaniako Lancaster konderria bisitatu du. Azken hauteskunde presidentzialetan Donald Trump garaile argia izan zen bertan. Datuek bizimodua gero eta garestiagoa dela erakusten duten arren, Trumpen boto-emaileek denbora eman behar zaiola diote.
Trumpek ohartarazi duenez, ez duenez Nobel saria lortu, ez dago "bakean soilik pentsatzera behartuta"
AEBko presidenteak Norvegiako lehen ministroari bidalitako gutun batean azaldu duenez, "orain AEBren onerako" jardungo du, eta "NATOren alde beste edonork baino gehiago" egin duela gaineratu du.