Orain arteko bonbardaketarik gogorrenak egin dituzte Israelek eta AEBk Teheranen
Halaber, Libano hegoaldean eta ekialdean eta Beirut hiriburuan bonbardaketa gogorrak egin ditu Israelek, Iranen aliatu den Hezbollah talde xiitaren aurka.
Iranen aurkako gerra abiatu zutenetik, orain arteko bonbardaketarik gogorrenak egin dituzte Israelek eta Ameriketako Estatu Batuek Teheran hiriburuan.
Israelgo Armadak ostiral honetan zabaldutako informazioaren arabera, Teherango azpiegituraren aurkako erasoak gogortu ditu. Testuinguru horretan, misil balistikoak jaurtitzeko erabiltzen diren sei gailu suntsitu dituztela ziurtatu du.
Ilargi Gorriaren azken balantzearen arabera, gutxienez 1.332 herritar hil dituzte Iranen larunbatetik.
Israelek Libano hegoaldea eta Beirut kanpoaldea bonbardatu ditu berriro
Israelgo Armadak Libanon erasoak egiten jarraitzen du. Ostiral goizaldean, bonbardaketak egin ditu berriro herrialdearen hegoaldean eta Beirut hiriburuaren kanpoaldean, ANN Libanoko albiste agentziak jakinarazi duenez.
Horren arabera, bonbardaketak izan dira Libano ekialdeko Baalbek hirian, hegoaldeko Toluine eta Srifa hirietan eta Beirut kanpoaldeko Haret Kreik auzoan.
Israelgo Armadak Beirut hegoaldea ebakuatzeko agindua eman die bertako herritarrei ostegun gauean, auzo horiek bonbardatuko dituela ohartarazita.
Joan den asteburuan Iranen aurka erasoaldia abiatu ostean, Israelek erasoak areagotu ditu Libanon, Teherango erregimenaren aliatua den Hezbollah talde xiitari aurre egiteko asmoz.
Eraso horiek hasi zirenetik, Israelek 123 pertsona hil eta 683 zauritu ditu. Horrez gain, milaka desplazatu eragin ditu.
Hezbollahk, bere aldetik, Israel iparraldearen aurkako erasoak eginez erantzun du, ahalmen mugatuarekin bada ere.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.