Hamasek beste gorpu bat entregatu du, Israelgo militar baten gorpua antza
Hamaseko dozenaka milizianori Gazara itzultzeko aukera emango die horrek. Gorpu hori eman ostean, israeldarren lau gorpu omen daude oraindik Gazan lurperatuta.
Desplazatuak, Gazan. Argazkia: EFE
Al Qasam Brigadek, Hamasen adar armatuak, beste gorpu bat entregatu du igandean. Informazioen arabera, Hadar Goldin soldadu israeldarraren gorpua izan liteke. Israelgo Armadako tenientea 2023ko urriaren 7an harrapatu ez zuten bakarra da; izan ere, 2014an hil zen, Israelek Gazan egindako erasoaldi batean.
"Israelek hildako baten kutxa jaso du Shin Beten (Gazako Zerrenda), Gurutze Gorriaren eta Israelgo Defentsa Indarren (FDI) bitartez. Handik, Israelera eramango dute", baieztatu du Israelgo lehen ministroaren bulegoak.
Gorpuaren nortasuna Tel Aviveko Abu Kabir Institutu Forentseak baieztatuko du. Nor den baieztatutakoan, Israelgo Gobernuak familiekin hitz egingo du.
Al Qasamek ohar baten bidez jakinarazi duenez, larunbatean aurkitu dute gorpu hori, Rafahko Yebna kanpalekuko tunel batean, Gazako Zerrendaren hegoaldean.
Hamasek behin baino gehiagotan salatu du su-etena indarrean sartu zenetik Israelgo indar armatuek ez diotela Rafahn sartzen utzi, soldaduaren gorpua bertan zegoela uste zuten arren.
Haaretz egunkari israeldarraren arabera, Etxe Zuriak Hamasi adierazi dionez, "Goldinen gorpua itzultzeak Hamaseko 100-150 miliziano kartzelatik ateratzen lagun lezake".
Horren nortasuna baieztatuz gero, 4 israeldarren gorpuak bakarrik geratuko dira Gazan, milizia palestinarrek dagoeneko 24 gorpu entregatu baitituzte.
Zure interesekoa izan daiteke
Gazarako su-etenak bueltan ekarri ditu Gabon ospakizunak Betleemera
Gazako inbasioak Gabon giroa itzali du Betleemen bi urtez, baina, su-etenak, ahula bada ere, ospakizunak bueltan ekarri ditu, kristau tradizionalen arabera, Jesus jaio zen hirira. Zuhaitz handia jarri dute berriro Natibitatearen elizaren inguruan, eta, urteetan egin duten bezala, eskauten desfilea egin dute hiriko kaleetan.
Greta Thunberg atxilotu dute Londresen, kartzelan dauden Palestine Actioneko kideen aldeko protesta batean
Greta Thunberg atxilotu dute Londresen, palestinar preso batzuk babesteko elkarretaratze batean; alegia, Palestine Actioneko zortzi militante gose greban babesteko kontzentrazioan.
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.