Atentatu suizida batek gutxienez hamabi pertsona hil ditu Pakistango hiriburuko auzitegi batetik gertu
Pakistango atentatua eta astelehenean izandako Indiako leherketa ikertzeko eskatu du NBEko idazkari nagusiak.
Pakistango talibanen talde bati lotutako erasotzaile suizida batek hamabi pertsona hil eta beste 27 zauritu ditu astearte honetan, Islamabadeko (Pakistango hiriburua) epaitegi baten aurrean.
Atentatua New Delhin, Indiako hiriburuan, ibilgailu batek eztanda egin eta biharamunean gertatu da; eraso horretan zortzi pertsona hil ziren. Indiako agintariek gertakaria ikertzen jarraitzen dute.
Antonio Guterres Nazio Batuen Erakundeko idazkari nagusiak Islamabadeko atentatua eta astelehenean New Delhin izandako leherketa ikertzea eskatu du.
Islamabadeko leherketa barrutiko epaitegien aurrean izan da, hiriburuko G-11 sektorean, puntako orduan.
Mohsin Naqvi Pakistango Barne ministroaren arabera, erasotzailea auzitegiaren barrura sartzen saiatu da, baina ez du lortu. Sartzerik ez zuela-eta, poliziaren furgoneta baten ondoan lehertu du bere burua.
Agintariak gertakaria ikertzeko agindua eman du eta arduradunak Justiziaren aurrera eramango dituztela ziurtatu du.
Hasiera batean, Pakistango segurtasun indarrek Tehreek-e-Taliban Pakistan (TTP) taldea seinalatu dute, Pakistango talibanen talde nagusia.
Ondoren, Mohammad Khorasani Pakistango talibanen bozeramaileak ohar batean azaldu duenez, TTPren adar nagusia ez dago Islamabadeko leherketan nahastuta.
Ordu batzuk geroago, Pakistango fundamentalisten talde txiki batek, Jamaat-ul-Ahrar (JuA) izenekoak, bere gain hartu du atentatuaren erantzukizuna, Ghazi Media Network katean argitara emandako komunikatu baten bidez.
Nazio Batuen arabera, Jamaat-ul-Ahrarrek TTPren talde nagusiko talde terrorista disidente gisa jarduten du, Afganistango Nangarhar probintziako Lalpura inguruan.
JuA 2014ko abuztuan sortu zen, TTPren fakzioak Mohmand eta Ahrar-ul-Hind agentzian bat egin ondoren.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).