Sanchezek iragarri du 615 milioi bideratuko dituela Ukraina armatzeko, eta 202 milioi, herrialdea berreraikitzeko
Bi aldeek segurtasun-akordioa sinatu zuten iaz. Horretan, Espainiak 2025ean laguntza militarrerako guztira 1.000 milioi euro bideratzeko konpromisoa hartu zuen.
Pedro Sanchez, Volodimir Zelenskiri harrera egiten, Moncloan. Argazkia: EFE
Pedro Sanchez Espainiako Gobernuko presidenteak iragarri du 615 milioi euro mobilizatuko dituela aurten Ukrainari laguntza militarra emateko; horietatik, 100 AEBri armak berehala erosteko bideratuko dituzte, eta iragarri du 202 milioi euro bideratuko dituela herrialdea berreraikitzeko.
Ukrainako presidenteak Espainiara egindako bisitaren aitzakian Volodimir Zelenskirekin batera emandako prentsaurrekoan, Sanchezek adierazi du 817 milioiko pakete horrekin Ukrainari emandako babesa "integrala eta irmoa" dela, Errusiaren erasoei aurre egiteko, eta bermatu du babes horrek aurrera jarraituko duela bake "justu eta iraunkorra" lortu arte. Zelenski presidenteak eskertu egin du jarrera hori, eta adierazi du astearte honetan Madrilen hitz egin eta sinatutakoa "lankidetza paregabearen" hasiera dela.
Bi herrialdeek segurtasun-akordioa sinatu zuten iaz. Horretan, Espainiak 2025ean laguntza militarrerako guztira 1.000 milioi euro bideratzeko konpromisoa hartu zuen.
Sanchezek zehaztu duenez, datorren hilean 615 milioi mobilizatuko dituzte, eta horietatik 100 milioi NATOren PURL programara bideratuko dituzte, AEBri aireko defentsa-sistemak berehala erostea finantzatzeko.
Pakete horretan Ukrainari zuzendutako Europako Batzordearen SAFE programako 215 milioiko partida bat ere sartzen da. Programa horri esker, droneen aurkako sistemak, esplorazioko radarren eta aireko zaintzako sistemak ekoitzi ahal izango dira. Eta konpromiso horren barruan kokatzen da abenduan ia 300 milioiko material militar sorta bat ematea ere.
Horrez gain, Sanchezek iragarri du Espainiak 202 milioi euroko ekarpena egingo duela herrialdea berreraikitzeko. Helburua da Espainiako enpresei aukera ematea Errusiaren inbasioak kaltetutako azpiegiturak berreraikitzen, modernizatzen eta handitzen zuzenean eta modu lehiakorrean parte hartzeko, bereziki Ukrainako gizartearentzat oso kritikoak diren sektoreak onbideratzeko, hala nola energia, ura eta garraioa.
Horrekin batera, Sanchezek iragarri du 2 milioi euro gehiago bideratuko dituela Samarreko berokuntza-sistema zentrala berrezartzeko Nazio Batuekin batera egingo den proiektua hornitzeko, 28.000 pertsonari baino gehiagori laguntzeko.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.