Migrazio politikak Europako zibilizazioa "ezabatzen" ari direla esan du Trumpek
Segurtasun Nazionalari buruzko txosten batean, bere egin ditu Europako eskuin-muturreko mugimenduen diskurtsoak.
Donald Trumpen Administrazioak esan du Europaren "zibilizazioa ezabatu" egingo dela migrazio politikengatik eta Europar Batasunaren (EB) ustezko zentsuragatik, kontinentearen norabidea "zuzentzen" laguntzea proposatzen duen AEBko Segurtasun Nazionaleko estrategiaren txosten batean.
Trumpek AEBren nagusitasuna bermatzeko ibilbide-orri gisa deskribatu duen 33 orriko dokumentuak gogor kritikatzen ditu Europako aliatuak, eta "egungo joera horiek jarraitzen badute, kontinentea 20 urtean edo gutxiagoan ezagutezina" izango dela adierazi du.
Trumpek aurretik egindako kritikak eta Europako eskuin-muturreko mugimenduen diskurtsoak errepikatzen ditu kanpo-politikaren estrategiari buruzko dokumentuak.
AEBk adierazitako arazo nagusien artean, honako hauek daude: "Europar Batasunaren eta askatasun politikoa eta subiranotasuna ahultzen dituzten beste erakunde batzuen jarduerak; kontinentea eraldatzen eta gatazkak sortzen ari diren migrazio-politikak; adierazpen-askatasunaren zentsura eta oposizio politikoaren ezabapena; jaiotza-tasaren gainbehera; eta nortasun nazionalen eta beren buruarekiko konfiantzaren galera".
Trumpen Administrazioak zalantzan jarri du Europako herrialdeek "aliatu fidagarri" izaten jarraitzeko gaitasunik izatea, ekonomia eta armada "behar bezain indartsuak" ez badituzte.
"Europak europarra izaten jarraitzea nahi dugu, zibilizazio gisa bere buruarengan duen konfiantza berreskuratzea", gaineratzen du dokumentuak. Horren arabera, AEBren helburua "Europari bere egungo ibilbidea zuzentzen laguntzea izan beharko litzateke".
Dokumentuak ohartarazten du, halaber, "hamarkada gutxi batzuetan, gehienez ere", NATOko kide batzuek "gehiengo ez europarra" izango dutela, eta, beraz, zalantzan jartzen du horiek blokearen printzipioen arabera arautuko diren.
Zure interesekoa izan daiteke
Trumpek urtebete baino ez du behar izan Estatu Batuak eta munduko ordena aldatzeko
Donald Trumpen gobernu pertsonalistak AEBko demokraziaren zutabeak dardarka jarri dituela diote aditu batzuek. Juanma Benitez Columbiako Unibertsitateko irakasleak eta Brett Bruen Barack Obamaren aholkulari ohiak Donald Trumpen agintaldiko urte honen balorazioa egin dute EITBrentzat.
Muga-zergak eta interbentzionismoa, Trumpen atzerri politikaren gakoak
Protekzionismo ekonomikoa eta beste potentziekiko merkataritza gerrak izan dira protagonista Trumpen bigarren agintaldiaren lehen urtean. Mikel Reparaz EITBren nazioarteko buruak Donald Trumpen kanpo politikaren gakoak aletu ditu, Etxe Zurira iritsi zela urtebete bete den honetan.
Trumpek Groenlandiari buruzko erasoa areagotu du, adimen artifizialak egindako irudiak erabilita, Davosera iritsi aurretik
"Davos interesgarri oso izango da", aurreratu du presidenteak, bere hitzen eta keinuen aurrean ikusminak markatutako goi-bileran.
Israel UNRWAk Jerusalem ekialdean dituen eraikinak suntsitzen hasi da
Israelgo Atzerri Ministerioak erasoa justifikatu du "Israelgo Estatua Jerusalemgo Unrwa konplexuaren jabea" dela esanda. Jonathan Fowler UNRWAren bozeramaileak, bere aldetik, azpimarratu du eraikin multzo hori "Nazio Batuen egoitza" dela.
Sarekadak, deportazioak, inflazioa, langabezia... Horrela aldarazi du Trumpek AEB, urtebetean
AEBko gizartea polarizatuta zegoen duela urtebete, baina arrakala hori are gehiago zabaldu da azken 12 hilabete hauetan. Mikel Reparaz EITBren nazioarteko buruak Trump Etxe Zurira iritsi zenetik AEBko barne politikaren aldaketaren gakoak aletu ditu.
Kieveko zati bat argi, ur eta berokuntzarik gabe geratu da, -12 gradu direla, Errusiak abiatutako eraso zabal baten ondorioz
Gaur goizaldekoa Errusiak Kieveko energia-azpiegituraren aurka egindako hirugarren eraso handia da, urtarrilaren 9az geroztik. Izan ere, misilekin eta droneekin egindako beste bonbardaketa batek ia hiru egunez argirik eta berkuntzarik gabe utzi zuen hiriaren zati handi bat, gaur arte jarraitzen duen hotz-bolada hasi zenetik.
Trumpen "praktika autoritarioek" giza eskubideen "higadura" eragin dutela ohartarazi du Amnistia Internazionalak
Donald Trump Etxe Zurira bigarrenez iritsi zenetik urtebete betetzen den honetan, txosten bat argitaratu du gobernuz kanpoko erakundeak. Dokumentu horretan jasotzen denez, gizarte askeen oinarriak "ahultzen" ari dira, eta horren adibide jarri ditu adierazpen askatasunaren, oposizioaren eta oro har kritiko direnen kolektiboen aurkako erasoak.
Danimarkak eta Groenlandiak NATOk uhartean misio bat egitea eskatu diote Mark Rutteri
Bruselan egindako bileraren ostean, Danimarkako Defentsa ministroak adierazi du AEBk Groenlandia bereganatzeko duen asmoaren ondorioz herrialdeak are beharrezkoagotzat jo duela eskualdearen Defentsan inbertitzea.
Kanpainan agindutakoa betetzen ari da Trump, baina bizimoduaren kostua murriztea kostatzen ari zaio
Donald Trump boterera itzuli zenetik urtebete betetzen den honetan, EITBk Pennsylvaniako Lancaster konderria bisitatu du. Azken hauteskunde presidentzialetan Donald Trump garaile argia izan zen bertan. Datuek bizimodua gero eta garestiagoa dela erakusten duten arren, Trumpen boto-emaileek denbora eman behar zaiola diote.
Trumpek ohartarazi duenez, ez duenez Nobel saria lortu, ez dago "bakean soilik pentsatzera behartuta"
AEBko presidenteak Norvegiako lehen ministroari bidalitako gutun batean azaldu duenez, "orain AEBren onerako" jardungo du, eta "NATOren alde beste edonork baino gehiago" egin duela gaineratu du.