Estatu Batuek Estatu Islamikoaren kanpalekuak bonbardatu dituzte Nigerian
Donald Trump AEBko presidenteak iragarri duenez, misilekin erasotu dituzte talde jihadistak Afrikako herrialdearen ipar-mendebaldean dituen instalazioak.
Donald Trump AEBko presidenteak adierazi duenez, bere herrialdeak eraso "boteretsua eta hilgarria" egin du Estatu Islamikoaren (EI) kanpalekuen aurka Nigeriako ipar-mendebaldean.
Iragarpena Truth Social sare sozialean egin du, eta bertan ziurtatu du operazioa "komandante buru gisa egindako zuzendaritzapean" egin dutela. Trumpek gaineratu du talde jihadistari aldez aurretik ohartarazi ziola, erasoak eten ezean, erantzun militarra egongo zela.
Pete Hegseth Defentsa idazkariaren arabera, erasoan Tomahawk misilak jaurti dituzte Gineako Golkoan dagoen AEBetako Armadaren ontzi batetik. Pentagonoko arduradunak operazioari babesa eman dio eta Nigeriako Gobernuaren laguntza eskertu du.
Bestalde, AEBko Afrikako Komandoak (Africom) jakinarazi duenez, Estatu Islamikoko kide diren miliziek Sokoto estatuan, Nigerko mugatik gertu, dituzten kanpalekuen aurkako bonbardaketek "biktima ugari" eragin dituzte. Dagvin Anderson Africomeko komandanteak adierazi duenez, Washingtonek eskualdeko kideekin lan egiten du terrorismoaren aurkako lankidetza indartzeko.
Azken hilabeteotan, AEBko Administrazioak Estatu Islamikoaren aurkako erasoa areagotu du Nigerian, Afrikako herrialderik jendetsuenean, talde jihadisten jarduera neutralizatzeko. Intersociety erakundearen txosten baten arabera, 2025eko lehen hilabeteetan milaka pertsona hil dira edo bahitu dituzte talde islamista armatuei egotzitako erasoetan.
Nigeriaren eta Estatu Batuen arteko lankidetza
Nigeriako Gobernuak eta armadak baieztatu dute AEBrekin batera aire erasoak egin dituztela Estatu Islamikoaren (EI) aurka, herrialdearen ipar-mendebaldean.
"Nigeriako armadak, Ameriketako Estatu Batuekin elkarlanean, erasoak egin ditu Estatu Islamikoarekin lotura duten eta Nigeriako ipar-mendebaldeko eremuetan lan egiten duten atzerriko elementuen aurka", adierazi du Samaila Uba Indar Armatuen bozeramaileak.
"Erasoak informazio fidagarrian eta plangintza operatibo arduratsuan oinarritu dira, terroristen gaitasun operatiboa ahultzeko, eta, aldi berean, albo-kalteak minimizatzeko", azaldu du Ubak ohar batean.
Beste ohar batean, Nigeriako Kanpo Arazoetako Ministerioak adierazi du Nigeriako agintariek "segurtasun arloan lankidetza egituratua" dutela "nazioarteko kideekin, AEB barne, terrorismoaren mehatxu etengabeari eta indarkeriazko estremismoari aurre egiteko".
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.