Bruselak kontraesanak ikusi ditu muga-zerga berrien eta EBren eta AEBren arteko itunaren artean, eta argibideak eskatu dizkio Trumpi
Bi aldeek abuztuan adostutako itun komertziala errespetatzeko eskatu dio Bruselak AEBri: "Tratu bat tratu bat da".
AEBko Auzitegi Gorenak Donald Trumpen muga-zergak baliogabetu izanak eta AEBko presidenteak % 15eko tasa berriak ezarri izanak lurrikara eragin du aurretik nahikoa nahasita zegoen nazioarteko merkataritzan. Anabasaren erdian, Bruselak kargu hartu dio AEBri, eta aurrerantzean gai honetan emango dituen urratsak "argi eta garbi" jakinarazteko eskatu dio.
Europako Batzordeak eta AEBk itun komertziala izenpetu zuten abuztuan, eta, itun horren arabera, Europar Batasunak (EB) % 15eko zerga orokorra onartu zuen, eta, trukean, AEBko industria-ondasunek ez zuten muga-zergarik izango.
Trumpen azken iragarpenak, baina, ez ditu orduan adostutako "baldintza bidezko, orekatu eta bientzako onuragarririk" ahalbideratzen, Europako Batzordeak gaur kaleratutako ohar baten bidez nabarmendu duenez.
Bernd Lange Europako Parlamentuko Merkataritza Batzordeko presidenteak ohartarazpen argia egin zuen atzo, eta, are gehiago, abuztuko ituna bertan behera uzteko proposatu zuen; izan ere, horren ustez, "egoera kaotikoa da, inork ez du ezertxo ere ulertzen jada".
"Tratu bat tratu bat da", erantsi du gaur Europako Batzordeak. "AEBren bazkide komertzial garrantzitsuena garen aldetik, AEBk itunean jasotako konpromisoak beteko dituelakoan gaude, EBk bereak betetzen dituen heinean".
Ohartarazpenak ohartarazpen, Bruselak azpimarratu du "egoera komertzial egonkorra, aurreikusteko modukoa, bermatzea" duela lehentasun, eta horretarako "harreman estua eta etengabea" duela AEBko Gobernuarekin.
Zure interesekoa izan daiteke
Trumpek Floridan duen egoitzan armatuta sartu den gizon bat hil dute AEBko Zerbitzu Sekretuek
Antza denez, presidentea ez zegoen Mar-a-Lagon ezezaguna bertara sartu denean. Agintarien esanetan, hildako gizonak 20 urte inguru zituen, eta ez dute horren izen-abizenik zabalduko, senideek gertatutakoaren berri izan arte.
Alemaniako kantzilerraren alderdiak 14 urteko gutxieneko adina proposatu du sare sozialetan sartzeko
CDUk lege-araudi bat nahi du Alemaniarako zein Europa osorako, plataformetako operadoreek datuen babesa betez, adina egiaztatzeko sistema bat ezar dezaten.
Trumpek %10etik % 15era igoko ditu mundu mailako muga-zergak
Larunbatean iragarri duenez, inportazioei aldi baterako ezarritako muga-zerga globala % 15era igoko du, AEBko Auzitegi Gorenak Trumpek ezarritako muga-zergak legez kanpokotzat jo ostean.
Muga-zergen inguruko jarrera "irmoa" erakutsi du Trumpek, % 10eko muga-zerga globala ezarriko lukeen aginduarekin
AEBko presidenteak agerraldia egin du ostiral arratsaldean, eta epaia "guztiz etsigarria" dela esan du. Trumpek esan du "lotsatu" egiten dela "Auzitegi Goreneko zenbait kiderekin, gure herriarentzat zuzena dena egiteko adorerik ez dutelako".
AEBko Auzitegi Gorenak legez kanpokotzat jo ditu Trumpek ezarritako muga-zergak
Ebazpen honen ondorioz, inportazioak garestituta kaltetu diren milaka enpresak auzitara jotzeko aukera izango dute, eta dirua itzultzea eska dezakete.
Venezuelako Parlamentuak aho batez onartu du amnistia legea, eta "une politiko berri bat" ireki du
Delcy Rodriguez Venezuelako presidente arduradunak azpimarratu du "herriak modu baketsuan elkarbizitzen ikasteko" balioko duela, eta Helicoideko kartzela ixteko eskatu du.
10 egun eman dizkio Trumpek Irani akordio batera iristeko
AEBko presidenteak ez du Ekialde Hurbilean ekintza militarra egitea baztertzen. Hain zuzen ere, hainbat hedabideren arabera, larunbaterako prest egon daiteke armada erasoa hasteko.
Hamarkada bat igaro da Epstein kasuak Andrew Ingalaterrako printze ohia zipriztindu zuenetik
Karlos III.ak printze titulua kendu zion pasa den azaroan Andrew anaiari, eta Windsorretik kanporatu egin zuen, Jeffrey Epsteinekin izandako loturengatik.
Andrew printze ohia aske utzi dute, Epsteinekin lotura izatea egotzita hamar orduz atxilotuta egon ondoren
Aylsham herriko polizia-etxetik irten da ibilgailu baten atzealdean. BBC telebista kateak jakitera eman duenez, fidantzapean aske utzi dute, ikerketak aurrera egin bitartean. Funtzio publikoetan jokabide txarra izatea egotzi diote.