Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Donald Trumpek adierazpenak egin ditu Washingtonen, Bulego Obalean. Argazkia: EFE.
Donald Trump Ameriketako Estatu Batuetako (AEB) presidenteak esan du "ohore handia" izango litzatekeela "Kuba hartzea". Bi herrialdeen arteko tentsioen erdian esan du hori, uhartearen aurkako blokeo energetikoa dela eta.
"Kuba hartzea ohore handia izango litzateke. Kuba hartu, Kuba nola edo hala hartu, bai. Dela askatu, dela hartu. Nahi dudana egin nezake (Kubarekin)", esan du Etxe Zurian egindako prentsaurreko batean.
Bere Administrazioa Kubako agintariekin hitz egiten ari dela errepikatu du Trumpek, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
"Lur ona dute. Paisaia politak dituzte. Irla ederra da", esan du errepublikanoak. Era berean, Estatu Batuetan aberats egin ziren lagun kubatarrak dituela esan du.
Presidente errepublikanoak, azken asteotan, uhartearen kontrola "modu adiskidetsuan" zein indarrez hartzeko mehatxua egin du, eta Habanako Gobernua "laster eroriko" dela esan du, herrialdea "erortzeko zorian" dagoelako.
Joan den astean, Miguel Diaz-Canel Kubako presidenteak esan zuen AEBrekin hitz egiten ari direla "elkarrizketaren bidetik irtenbideak bilatzeko".
Beste itzalaldi batekin hasi zuen astea Kubak, seigarrena azken 18 hilabeteetan. Egoera hori larriagotu egin da azken hiru hilabeteetan ezarritako petrolio-blokeoarekin, ekonomia erabat geldiarazten ari da, eta gizartearen ezinegona, areagotzen.
Zure interesekoa izan daiteke
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.
Israelek lurreko operazioa hasi du Libanon Hezbollahren "funtsezko bastioien" aurka
Israel Katz Defentsa ministroak ohartarazi duenez, "Libano hegoaldean bizi diren ehunka mila bizilagun xiitek" eta Israelen abisuen ondotik eskualde hori utzi dutenek "ezingo dute Litani ibaiaz hegoaldeko euren etxeetara itzuli" mugatik gertu dauden Israelgo eskualdeetako "segurtasuna bermatu arte".
Israelen eta Iranen arteko erasoaldi betean, Trumpek uste du ez direla su-etenerako baldintzak betetzen
"Iranek akordio bat erdietsi nahi du, baina nik ez, ez direlako horretarako baldintzak betetzen", esan du agintari estatubatuarrak NBC telebista kateari emandako elkarrizketan.
Antonio Guterres NBEko idazkari nagusia Libanon izan da eta elkarrizketarako deia egin du
Guterresek ohartarazi du ez dagoela irtenbide militarrik Hizbulá talde xiitaren eta Israelen arteko egungo gatazkarako, eta bi aldeei elkarrizketara eta bide diplomatikoetara jotzeko eskatu die Beiruten eman duen prentsaurrekoan.
Jurgen Habermas filosofo alemana hil da, 96 urte zituela
Komunikazio Ekintzaren Teoriaren egileak lotura estua zuen Frankfurteko Eskolarekin. Hain zuzen ere, bertan egin zuen bere ibilbidea pentsalari eta gizarte-ikertzaile gisa.
Trumpek nazioarteko itsas misio bat proposatu du Ormuzko itsasartea berriro irekitzeko
"Zorte apur batekin, Txinak, Frantziak, Japoniak, Hego Koreak, Erresuma Batuak eta kaltetutako beste herrialde batzuek ontziak bidaliko dituzte Ormuzko itsasartera, erabat suntsituta dagoen nazio baten mehatxu izaten jarrai ez dezan", adierazi du AEBko presidenteak.
2006tik Libanoko hegoaldean egin duen lurreko inbasio handiena prestatzen ari omen da Israel
"Helburua da lurralde horren kontrola bereganatzea, Hezbollahren indarrak iparraldera (mugatik urruti) eramatea eta herrixketako gune militarrak eta arma-biltegiak suntsitzea", esan du Axios atariak.