Iranek AEBri ohartarazi dio ez duela "mehatxupean eta presiopean" negoziatuko
Su-etena amaitzeko ordu gutxiren faltan, Iran Islamabadeko negoziazio mahaian eseriko dela ziurtzat jo du Donald Trump presidenteak, eta baieztatu du ordezkaritza estatubatuarra harako bidean dela, elkarrizketei berriz ekiteko.
Pakistango polizia eremua zaintzen, Estatu Batuekin bigarren negoziazio-erronda hasi atarian.
Iranek AEBri ohartarazi dio ez duela "mehatxupean eta behartuta" negoziatuko, eta, gogorarazi dio printzipio hori argi izan beharko lukeela. Pakistanen bigarren bilera erronda bat egingo ote den zalantza dago, nahiz eta Donald Trump presidenteak baieztatu duen AEBren ordezkaritza Islamabadera (Pakistan) bidean dela, Iranekin elkarrizketak berrabiarazteko.
“Egia unibertsala da zibilizazio handi baten jabe den herrialde batek ez lukeela negoziatuko mehatxupean eta behartuta”, adierazi du Reza Amiri Moqadam Iranek Pakistanen duen enbaxadoreak sare sozialetan argitaratutako mezu baten bidez.
Iranek adierazi du ez duela mehatxupean eta presiopean negoziatuko, uste baitu “funtsezko printzipioa" dela, "islamikoa eta teologikoa”, eta jarrera hori onartzeko eskatu die Estatu Batuei.
Adierazpenok iritsi dira Donald Trump AEBko presidenteak egindako ohartarazpenen ondotik. Izan ere, Iran Islamabadeko negoziazio mahaian eseriko dela ziurtzat jo du Trumpek, eta, hala egin ezean, "inoiz ikusi gabeko arazoak" izango dituztela ohartarazi du.
Testuinguru horretan, Etxe Zuriak baieztatu du JD Vance presidenteordea buru duen ordezkaritza bat Pakistanera bidean doala, bake elkarrizketen bigarren erronda bat egiteko. Hala ere, Teheranek ez du esan elkarrizketa horietan parte hartuko ote duen, Washingtonek apirilaren 8an adostutako bi asteko su-etena urratu dutela argudiatuta.
Zure interesekoa izan daiteke
Bi lagun hil eta hainbat zauritu dira Mexikon, tiroketa batean, Teotihuacango piramideetan
Erasotzailea turistei tiroka hasi zaie, Ilargiaren piramidera igota. Kanadako emakume bat hil du eta hainbat pertsona zauritu ditu; gero, bere buruaz beste egin du.
Starmerrek "onartezintzat" jo du Mandelsonen izendapenari buruzko informazioa berari aurretik ez jakinaraztea
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".
Israel eta Libano bigarren aldiz elkartuko dira ostegunean, Washingtonen
Etxe Zuriaren eledun batek jakinarazi duenez, negoziazioen bigarren txandari ekingo diote Israelek eta Libanok apirilaren 23an, eta Washingtonek hartuko ditu elkarrizketa horiek berriro.
Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Garamendik ohartarazi du EAEk "arazoa" duela inbertsioekin: "Beste erkidegoetan baino gutxiago inbertitzen da"
Espainiako patronalaren presidenteak adierazi duenez, Estatuan egiten diren "greba guztien erdiak" inguru EAEn egiteak "ez du asko laguntzen" inbertsioak erakartzeko orduan.
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.