Israel eta Libano bigarren aldiz elkartuko dira ostegunean, Washingtonen
Etxe Zuriaren eledun batek jakinarazi duenez, negoziazioen bigarren txandari ekingo diote Israelek eta Libanok apirilaren 23an, eta Washingtonek hartuko ditu elkarrizketa horiek berriro.
Beiruteko herritarrak, protestan. Artxiboko irudia. Argazkia: Europa Press.
Israelgo eta Libanoko ordezkariak bigarren aldiz elkartuko dira, bake negoziazioetan aurrera egiteko. Ameriketako Estatu Batuak bitartekari izango dira, eta aurreneko hitzorduan bezala, Hezbollah milizia xiitak ez du parte hartuko.
Etxe Zuriaren eledun batek jakinarazi duenez, Washington izango da topalekua berriro. "Pozik gaude apirilaren 14an hasitako elkarrizketekin. Bi gobernuen arteko elkarrizketa zuzenak bideratzen jarraituko dugu", gaineratu du.
Lehen elkarrizketak izan eta bi egunera, Donald Trump AEBko presidenteak iragarri zuen Israel Libanon egiten ari den erasoaldia hamar egunez etengo zela. "Hamar eguneko su-etena sartuko da indarrean", esan zuen.
Yechiel Leiter eta Nada Hamadech, Estatu Batuek Israelen eta Libanon dituzten enbaxadoreak, hurrenez hurren, izan ziren lehen bileran parte hartu zutenak. Trumpen arabera, "elkarrizketa bikainak" izan ziren.
Otsailaren 28an AEBk eta Israelek Iranen aurkako erasoaldia abiatu eta egun batzuetara, Libanoren aurkako erasoa ere hasi zuen Israelgo Armadak, eta gutxienez 2.300 herritar hil ditu.
Bere aldetik, Libanoko Gobernuak ez du ontzat eman Iranek AEBrekin haren izenean hitz egitea, Pakistanen egiten ari diren negoziazioetan.
Zure interesekoa izan daiteke
Ebolagatik hildakoak 100 baino gehiago dira Afrikako Batasunaren arabera, eta larrialdi kontinentala ezarri du
Afrikako Batasuneko osasun publikoko agentziak ohartarazi duenez, ebola agerraldia Kongoko Errepublika Demokratikoko ingurune konplexu batean atzeman dute: mugikortasun handiko ingurua da eta osasun sistema, berriz, ahula.
Munduko Osasunaren Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Munduko egoera zeharo aldatu da hamar urtean: zatiketa nabarmenagoa, zor handiagoa eta herritarrak babesteko gaitasun txikiagoa dago. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.