Starmerrek "onartezintzat" jo du Mandelsonen izendapenari buruzko informazioa berari aurretik ez jakinaraztea
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".
Keir Starmer Erresuma Batuko lehen ministroak Estatu Batuetako enbaxadore Peter Mandelsonen —'Epstein auzia' delakoan ikertua— inguruko eskandaluek jota jarraitzen du. Krisia larriagotu egin zen Starmerrentzat joan den astean, jakin zenean Mandelsonek ez zuela gainditu bere aurrekari pertsonal, profesional eta finantzarioei buruko azterketa prozesua.
Gaur, Erresuma Batuko Parlamentuan egin den saioan, lehen ministroa informazioari buelta ematen eta bere alde erabiltzen saiatu da. "Onartezintzat" jo du azterketa egin zuten funtzionarioek bera jakinaren gainean ez jarri izana, eta esan du, jakin izan balu, ez zukeela Mandelson enbaxadore izendatuko.
"Ulertezina da, gertakariak izan ziren bezala, Atzerri Gaietako Ministerioko funtzionarioek erabaki izana euren gainetik zeuden ministroei informazioa ezkutatzea (...) Herritarren gehiengoak ez du politika egiteko modu hori nahi", esan du.
Abenduaren 18an aukeratu zuten Mandelson AEBko enbaxadore, eta bi egun geroago argitaratu zen izendapena. Aurrekari pertsonal, profesional eta finantzarioei buruzko azterketa prozesua hilabete bereko 23an hasi zen. "Mandelson kanporatu ondoren, prozedura aldatu egin nuen, ez dadin inor izendatu, harik eta ebaluazioa gainditu arte", ziurtatu du lehen ministroak.
Aurreko saioetan egin duen bezala, Mandelsonen aukeraketaren "ardura osoa" bere gain hartu du, eta barkamena eskatu die Epsteinen biktimei. "Argi eta garbi, huts egin nien nire erabakiarekin".
Zure interesekoa izan daiteke
Gutxienez bi hildako eta hainbat zauritu Mexikon, Teotihuacan piramideetan izandako tiroketa batean
Erasotzailea turistei tiroka hasi da Ilargiaren Piramidera igota. Kanadako emakume bat hil du eta hainbat pertsona zauritu ditu bere buruaz beste gin aurretik.
Israel eta Libano bigarren aldiz elkartuko dira ostegunean, Washingtonen
Etxe Zuriko eledun batek jakinarazi duenez, negoziazioen bigarren txanda bati ekingo diote Israelek eta Libanok apirilaren 23an, eta berriro ere, Washingtonek hartuko ditu elkarrizketa horiek.
Elkartze akordioa bertan behera uzteko gehiengo faltaren aurrean, Kallas Israelen aurkako neurri komertzialen alde agertu da
Joan den irailean, Europako Batzordeak akordioaren merkataritza-puntu jakin batzuk etetea proposatu zuen. Erabaki horrek gehiengo kualifikatua baino ez du eskatzen, eta ez dakar ituna erabat haustea.
Garamendik ohartarazi du EAEk "arazoa" duela inbertsioekin: "Beste erkidegoetan baino gutxiago inbertitzen da"
Espainiako patronalaren presidenteak adierazi duenez, Estatuan egiten diren "greba guztien erdia" inguru EAEn egiteak "ez du asko laguntzen" inbertsioak erakartzeko orduan.
Iranek su-etena urratzea leporatu dio AEBri, eraso egin baitio ontzi bati Ormuzen
Teheranek salatu du "itsas pirateria" ekintza bat izan dela, eta droneekin erantzun duela. Tentsioa eta mesfidantza areagotzen ari dira, bake akordiorako elkarrizketen atarian.
Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.