Rumen Radev nagusitu da Bulgariako hauteskundeetan, lehen emaitzen arabera
Antza, Radevek gobernu egonkor bat osatzeko aukera izango luke, ezegonkortasun politikoak baldintzatutako urteei amaiera emanez. Bulgaria aurrerakoiak botoen % 38 eta 40 artean lortu ditu, lehen datuen arabera, gainerako alderdiekin alderatuta babes zabala bereganatuta.
Bulgariako presidente ohi Rumen Radev. Argazkia: EFE
Bulgariako presidente ohi Rumen Radev buru duen koalizioak argi eta garbi irabazi ditu igandean, hilak 19, egin diren hauteskunde legegileak. Azken bost urteotan zortzi aldiz deitu dituzte hauteskundeak herrialde horretan.
Hauteslekuak itxi ondoren zabaldutako lehen emaitzen arabera, Bulgaria aurrerakoiak botoen % 38 eta 40 artean lortuko ditu, gainerako alderdiekin alderatuta babes zabala bereganatuta.
Bigarren alderdi bozkatuena Boiko Borisov lehen ministro ohiaren GERB-SDS koalizio kontserbadorea izango litzateke, botoen % 14 eta 16 artean lortuta. Hirugarren izango litzateke PP-DB koalizioa (% 13-14), eta laugarren DPS.
Emaitzak baieztatuz gero, Radevek negoziatu egin beharko du gobernu egonkor bat osatzeko, ezegonkortasun politiko handiko testuinguruan. Albiste ona litzateke hauteskunde hauen ostean bi alderdi bakarrik beharko liratekeela gehiengoa lortzeko. Radevek berak PP-DB koalizioarekin akordioa lortzeko asmoa agertu du hauteskunde-kanpainan.
Radev, Bulgariako Viktor Orban modukoa bihurtuko dela uste dute askok, eliteekin kritiko agertu baita. 62 urte ditu, Indar Armatuen komandantea izan zen eta militar garrantzitsu bihurtu zen.
Presidente izan zenean, 2017 eta 2026 urteen artean, alde nabarmenak izan zituen Borisovekin, herrialdeko politikaririk eraginkorrenetako batekin, eta behin baino gehiagotan aurpegiratu zion jarrera "tolerantea" izatea ustelkeriarekin; izan ere, Europar Batasuneko herrialde txiroenetako bat da Bulgaria.
Zure interesekoa izan daiteke
AEBk Irango ontzi bat beraganatu dutela iragarri du Trumpek, Iranek ez dela Islamabadeko negoziazioetara joango baieztatu ondoren
AEBko presidenteak talde negoziatzaile bat bidali du Pakistanera, bilera egin asmoz baina Iranek esan du ez duela ordezkaririk bidaliko AEBk Ormuzi ezarritako blokeoak jarraitzen badu. Iran "suntsitxeko" mehatxua egin du Trumpek.
Urtebete eta hamalau urte bitarteko zortzi haur hil dira Louisianan izandako tiroketa batean
Poliziaren arabera, "etxeko liskar bat" izan da gertakaria. Hasiera betan, tiroketaren ustezko egileak ihes egin du, baina poliziek harrapatu eta hil egin dute geroago.
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.